Supremarket Faan Bratu, Vendedores Lokal Neon Kari

Supremarket Faan Bratu, Vendedores Lokal Neon Kari

- in Metro
969
0
loja

DILI-Vendedor Lokal (VL) neebe durante nee sai makfaan produtu lokal iha Merkadu Bidau-Lecidere, faan ho sentimentu neon kari lahalimar (kalan kabut), tanba supermarket sira faan sasan ho folin bratu.

Ami dadaun faan sasan ho sentimentu neon kari laralimar tanba loza no supermarket iha Dili laran faan sasan ho folin bratu. Situasaun ida nee bele hamate ami nia moris, hodi buka osan atu sustenta nesesidade moris uma-laran,” katak Olinda Siquiera nuudar vendedora ba STL iha Merkadu Bidau-Lecidere, Kuarta (12/7/2017).

Tuir Olinda katak, produtu lokal neebe agora dadauk faan iha merkadu nia folin ladiak lahanesan tinan kotuk liu ba. Tanba agora dadauk loza domina faan sasan ho folin bratu duke faan iha merkadu ida nee.

Uluk faan loron ida bele hetan rendementu too U$ 20 Dolar Amerikanu, agora faan loron tomak foin bele hetan $ 3.00-5.00 tanba inpaktu husi prezensa loza no supermarket sira faan sasan ho folin bratu. Inpaktu seluk, dadaun ema barak faan iha estrada-ibu nee duni halo komprador sira labele kompras too merkadu.

Nunee mos produtu atu folin tuir situasaun katak, ema rame foin bele folin. Bainhira ema laiha susar tebes atu hetan osan. Modo neebe sira faan sosa tutan husi nee duni faan lafolin bele lakon tan modal.

Iha fatin hanesan konsumidores Emirensiana Poto dehan, produtu lokal neebe sira sosa iha supermarket kompara ho produtu neebe faan iha estrada-ibun laiha kualidade tanba ai-fuan lori mai husi foho nia tempu latoo semana ida bele dodok ona. Maibe ai-fuan neebe faa iha supermarket uza kulkas entaon fresku hela deit ho idane halo konsumidores sira ba sosa deit iha loza ka supermarket.

Daalruma mos haree produtu lokal neebe maluk sira faan iha merkado no estrada-ibun balun aat no dodok ona mos sidauk soe sei faan nafatin. Ida nee impaktu ba ita nia saude tanba susuk barak, lalar hobur tan ho ida nee bele infrenta moras tanba nee make ma lasosa.

Nunee mos tuir obserbasaun STL iha trenu nota, produtu lokal neebe lori mai husi foho dadauk faan iha merkadu haree balun aat tia ona maibe sei faan nafatin tanba nee make ma lasosa. Tuir lolos sasan sira hanesan nee soe on aba lixu laos atu faan nafatin. Est-4

Facebook Comments

Leave a Reply

Your email address will not be published. Required fields are marked *