Suku Bidau Santana, Prioridade Ba Kapasitasaun Joven

Suku Bidau Santana, Prioridade Ba Kapasitasaun Joven

- in Distritu
217
0
klase-paralelo

DILI-Dezenvolvimentu Suku Bidau Santana, Dili,  fo prioridade ba kapasitasaun joven. Kapasitasaun sei halo liu husi formasaun, hodi kapasita joven sira diak liutan. Atu nunee, bele haklean liutan sira nia konsesimentu.

Suku Bidau Santana, Joao Paul hateten, sira iha planu no programa prioridade maka hanesan fo kapasitasaun ba juventude sira iha Suku Bidau Santa.

Nia dehan, lideransa komunitaria nee laos hanesan governasaun neebe maka boot, maibe lideransa komunitaria nee nudar lider neebe maka aba iha komunidade hosi nunee bele simu orientasaun husi governu hodi halao programa ba iha komunidade.

Nudar lideransa komunitaria neebe maka foin eleitu, ami iha ona programa no planu hosi dezemvolve suku rasik  hanesan ba kontinuasaun programa dezemvolvimentu suku no programa PDID hosi nunee saida maka sei sai hanesan limitasaun ba iha komunidade bele solusiona alem ida nee mos ba iha kapasitasaun  joventude,”  hateten Joao Paul ba STL iha ninia knar fatin, Sede Suku Bidau Santana, Dili, Kuarta (15/3/2017).

Ba planu neebe iha, alende formasaun kapasitasaun, sira mos kria ona progama ida ho komunidade atu oinsa kolabora hamutuk ho komunidade no parte entidade hotu atu nunee bele kriaservisu integradu ida neebe hanaran limpeza suku hosi nuunee suku Bidau Santana bele mos no livre husi lixu tamba lixu oras nee dadaun sai preukupasaun boot ba komunidade sira.

Hau sei implementa servisu integradu ida maka iha suku hosi nunee suku bele mos  tamba suku Bidau Santana nee nudar parte litorais neebe maka iha liu zona tasi ibun nian konserteza lixu sei mutuk atu resolve nee maka komunidade sira tenke servisu hamutuk,” nia dehan.

Formasaun juventude nee, sai faktor importante tamba nudar joven tenke kapasita an iha kualker aspektu atu nuee bele kopete iha mundu agora  nee maka nian parte aprofunda hodi tau atensaun liu tan ba iha  fatin formasaun neebe maka oras nee iha Bidau  Santa iha neebe maka oras nee dadaun lao hela .

Lider komunitaria nee hatutan liu tan  katak  durante nian mandate nian parte mos sei keria eko turismu lokal  tamba area Bidau Santana nee nudar area neebe maka lokaliza iha parte tasi hodi nuee  bele dezemvolve sai fatin turismu ida nee nian parte sei servisu hamutuk ho parte impresario atu hare ba iha kestaun.

Programa Preioridade neebe maka iha mos hau nia lanu durante mandate maka sei servisu hamutuk ho parte maluk empresariu sira atu nunee  bele kria eko turismu iha area Bisau Santana nian tamba area nee lokaliza iha parte tasi nian” dehan  Joao Paulo.

Husi fatin ketak, Xefe suku Caicoli Hipolitu Marques Sarmentu hateten, iha Suku Caicoli, nia sei sei kontinua halao programa neebe iha.

Hau sei kontinua  ho programa suku neebe maka uluk no ladauk iha planu neebe maka nian rasik iha maibe sei kontinua ho nian planu ida uluk”, nia dehan.

Nia husu ba governu atu kontinua ho programa dezenvolvimentu suku (PNDS) neebe governu implementa ona.  Programa nee fo benefisiu boot ba komunidade no suku. Natalino T.da Costa

Facebook Comments

Leave a Reply

Your email address will not be published. Required fields are marked *