Suku 18 Iha RAEOA, Halo Avaliasaun Annual PNDS 2015-2016

Suku 18 Iha RAEOA, Halo Avaliasaun Annual PNDS 2015-2016

- in Distritu
42
0
Ilha Atauro

AMBENO-Suku 18 iha RAEOA halo avaliasaun annual ba programa PNDS neebe implementa iha tinan 2016 too 2016. Liu husi PNDS, suku 18 hetan finanseiru hodi responde nesesidade dezenvolvimentu iha ida-idak nia suku. Nesesidade dezenvolvimentu suku nee halo liu husi planeamentu no konstrusaun hodi jere rasik sira nia projetu ba area infra-estrutura ho skala kiik iha ida-idak nia suku laran.

Atu fahe experiensia no lisaun neebe sira aprende no defikuldades neebe sira hasoru durante implementasaun PNDS, PNDS-RAEOA konvida xefe departementus, diresaun relevantes, jestor postu administrativus, xefe suku tuan no foun, no reprezentante ekipa jestaun sukus, partisipa iha workshop hodi halo avaliasaun annual ba PNDS iha tinan 2015-2016.

Workshop nee loke abertura husi husi Sekretariu Regional Asuntu Administrasaun (nudar reprezentante Prezidente Autoridade RAEOA ba workshop nee), Fransisco Marques hateten, eventu workshop nee nudar lalenok ida hodi leno sira nia servisu konaba implementasaun PNDS iha ida-idak nia suku durante tinan 2015-2016.

Nia rekoinese, tinan hira nia laran, liu husi PNDS, sira halo buat barak ona iha komunidade nia leet, komesa husi autoridades lokais, tekniku PNDS, xefe suku actual no xefe suku sesante. Sira hotu apoiu nafatin programa PNDS iha rejiaun Oecusse.

Liu husi PNDS nee, nia dehan, lider komunitaria sira jere rasik no leno rasik nesesidade dezenvolvimentu iha ida-idak nia suku, hateten Fransisco Marques iha Residensia PNDS Palaban, Oecusse, Tersa (11/4/2017).

Iha biban refere, Director Delegasaun PNDS Rejiaun Oecusse, Sebastiao Tanesi esplika, objetivu sorumutu  nee hodi halo avaliasaun ba programa PNDS Regional neebe implementa iha suku hahu husi primeiru siklu faze primeiru ba too  terseiru siklu faze 3. Iha siklu primeiru, sira halo avaliasaun ba prosesu konaba partisipasaun komunidade iha baze, planeamentu akuntabilidade linha de koordenasaun iha prosesu dezenvolvimentu. I haree mos problemas neebe sira infrenta, atu nunee, ba oin bele hadia diak liutan.

Implementasaun projetu iha Oecusse, barak mak liga ba bee mos no estrada, agrikultura, eskola no saude. Iha tempo sosializasaun, komunidade sira mak propoin no desidi projetu saida mak atu defini. Prosesu apoiu administrasaun husi tekniku PNDS, maibe partisipasaun komunidade sei menus hela, ba implementasaun sensitivu, komunidade balu sei duvidas.

Ba postu administrativu 4 neebe implementa projetu, barak liu iha  Pante Makasar no Oesilo hanesan bee mos, estrada, eskola, ponte, bee dalan, saude  ho total orsamentu diferensia. Haree ba suku neebe mak iha problem barak liu entaun geografikamente populasaun hanesan indikador ida ba programa PNDS. Iha Oecusse, Sub Rejiaun Pante Makasar no Oesilo lao ona ba segundu siklus, Sub Rejiaun Passabe no Nitibe foin mak iha primeiru siklu. Sub rejiaun rua nee sei kontinua halao PNDS tinan 2018.

Iha workshop nee, komunidade hatoo sira nia preokupasaun barak durante implementasaun PNDS. Jestaor Sub Rejiaun Passabe, Antao Ulan hateten, PNDS iha sira nia area, konsege halo ona estrada ba komunidade. Iha area Passabe, kobre ona Suku Abani no Suku Malelat. Komunidade suku rua nee, asesu ona ba merkadu. I prinsipalmente, komunidade Sub Rejiaun Passabe, hatudu kontribuisaun makaas ba dezenvolvimentu iha sira nia area.

President KPA Suku Ban Afi, Domingos Noni hateten, PNDS iha sira nia suku iha faze 3. Iha primeiru siklu, nomos iha projetu rua fahe grupu rua. Nee ba bee mos hotu.

“Hau agradese tamba implementasaun PNDS lao ho diak iha area Passabe. Komunidade Suku Ban Afi sente kontente tamba asesu ona bee mos. Iha aldea rua mak asesu ona bee mos. Iha aldea rua nee, total uma kain iha 174. Total torneira 13  ba sira hotu hodi asesu bee mos”. EST-5

Facebook Comments

Leave a Reply

Your email address will not be published. Required fields are marked *