Subtitui Gilman,Tuir Lei Eleitoral

Subtitui Gilman,Tuir Lei Eleitoral

- in Politics
10
0
598576

DILI-Ema neebe subtitui Saudozu Gilman Exposto do Santos iha uma fukun Parlamentu Nasional, tenke tuir numeru kandidatura partidu nian neebe bazeia ba lei eleitoral parlamentu nasional.

Tenke tuir numeru ka estrutura partidu UDT/FM, nunee respeita nafatin. Labele  haksoit liu fali numeru  estrutura partidu nian, Kestaun nee hatoo husi Prezidente Parlamentu Nasional katak, iha PN, Sesta (28/11/2019).

Nia hatutan lei eleitoral iha neeba hatete klaru ona katak, maske iha koligasaun bainhira ida sai, se maka atu atu mai subtitui fali deputadu nee, deputadu ida  neebe mai husi partidu ida nee nian, tanba nee matebian deputadu Gilman  neebe mate ona nia fatin mamuk, fo fali kandidatu ida husi partidu UDT/FM nian, nomos tenke tuir numeru ka estrutura labele haksoit liu fali numeru ka estrutura partidu, I tenke respeita nafatin. Karik mai la tuir ida nee maka iha meja labele admiti atu anunsia bainhira viola lei,” dehan nia ba jornalista sira iha parlamentu nasional.

Nia dehan, atu reforma fila fali mandatu, sei deklara ka anunsiu deit iha sesaun plenaria segunda agora, antes atu tama ba debate aprejentasaun orsamentu jeral estadu 2020 nian.

Ami sei introdus mateira ida maka, pedidu subtituisaun ba matebian Deputadu Gilman nian neebe, nia pedidu subtitui nee tama tiha ona hein deit iha plenaria maka anunsiu, katak nia.

Nia afirma liu tan katak, husu ba partidu tolu neebe halo koligasaun, atu halo subtituisaun ka atu mai troka matebian deputadu Gilman tenke haree ba lei eleitoral parlamentu nasional nian, iha neeba deskreve klaru konaba karik iha koligasaun oinsa ho nia subtituisaun ba oin iha neeba lei koalia klaru.

Iha fatin hanesan Vise Prezidente Parlamentu Nasional, Maria Angelina  Saramento, dehan se maka atu subtitui Matebian Gilman bazea lei hatete katak, bainhira iha ema ida la disponivel presiza iha subtituisaun, tanba nee ba  subtituisaun matebian Deputadu Gilman Exposto do Santos,  sei deklara ka anunsiu deit iha sesaun plenaria.

Antes nee mos Sekretariu Geral Partidu UDT, Francisco David Carlos, dehan halo ona karta subtituisaun no haruka ona ba prezidente parlamentu nasional, Arao Noe de jesus.

Subtituisaun Francisco David Xavier Carlos, ba Matebian Gilman Exposto do Santos,  husi Bankada UDT/FM Karta  subtituisaun haruka ona ba prezidente parlamentu nasional, atu nunee molok debate OJE 2020 ba jeneralidade nian iha ona subtituisaun, dehan nia.

Nia akresenta, tuir estatutu hatete ona iha rejistu  katak, segundu pesoa do partidu maka bele substitui Matebian Deputadu Gilman Exposto dos Santos, nomos iha reniaun extraordinariu. husi diresaun nasional UDT,  udetista  tomak nomea “ hau maka, subtitui fali Deputadu Gilman nia fatin iha uma fukun parlamentu nasional. ESTI 03

Komentariu

Facebook Comments

Leave a Reply

Your email address will not be published. Required fields are marked *