STL Realiza Jogu Amizade Ba Loron Konsulta Pupular

STL Realiza Jogu Amizade Ba Loron Konsulta Pupular

- in Desportu
1927
0
STL Joga

DILI—Suara Timor Lorosae (STL), Media Corp liu husi Fan’s Club Radio realiza jogu amizade hodi harame loron konsulta popular ba dala 18 neebe monu iha loron 30 Agostu. Loron ida nee inportante ba Povu Timor Leste, tanba ho loron ida neebele determinasaun distinu povu Timor Leste nia future.

Needuni ho loron ida nee joventude sira halibur aan iha Fan’s Club Radio Suara Timor Lorosae (RSTL) realiza jogu amizade hanesan voteboll ba mane, voliball ba mane no volliball ba feto ho jeventude bairo Dom Bosco B, Aldeia 12 de Outobru tasi 3, Suco Comoro no jogu ne rasik realiza iha kampo foteball no volleyball Aldeia 12 de outobro Tasi-Tolu, Dili, Kuarta (30/08/2017).

Tuir chefe Fan’s Club Radio STL, Leopoldo Caitanu hatete katak ho objetivu husi jogu ida nee atu komemora loron istoriku ida nee, tanba loron ida nee inportante tebes ba joventude atu hatene.

Jogu amizade ida realize nee, ho objetivu hodi komemora loron 30 de Agostu loron konsulta popular, tanba loron nee inportante tebes ba ami joventude sira atu hatene, tanba nee ami iha inisiativa ida hodi realize jogu entre joventude bairo Dom Bosco B Tasi 3 ho jeventude neebe mak halibur aan iha Fan’s Club Rasio STL,” nia dehan.

Nia hatutan tan katak, siknifikadu husi jogu ida nee, laos buka manan, maibe valor husi jogu amizade ida nee rasik, atu kria relasaun neebe diak entre joventude sira. Valor husi jogu ida nee, laos atu buka manan, maibe valor boot husi jogu amizade ne rasik mak oinsa kria relasaun diak entre joventude sira.

Iha fatin hanesan, Mario Pereira nudar konseleiru ba Struktura joventude Bairo Dom Bosco B, Aldeia 12 de Outobru hateten ho jogu ida nee bele kria ambiente neebe amizade,atravez mos tanba ohin loron inportante ba Timor, loron Konsulta Popular, loron neebe fo istoria neebe mak boot tebes ba povu Timor Leste.

Nia hatutan katan nia ho komunidade iha bairo Dom Bosco B urgulho ho jogu amizade ida nee tanba bele kria amizade no Fraternidade entre joventude neebe mak hamahon ann iha Fan’s Club Radio STL no joventude Bairo Tasi 3, liu liu iha bairo Dom Bosco B Aldeia 12 de Outobro.

Nune mos Chefe Fan’s Radio STL no konseleiru joventude Aldeia 12 de Outobro hato mos sira nia prokupasaun ba nai ulun sira kona ba governu laiha atividade desportu ida atu hodi komemora loron inportante ida nee.

Husu ba ministeriu relevante liu liu ba sekretario Estadu Joventude no Desportu atu kria atividade Arte, kultura no desportu ba komemorasan festa ida nee, tanba loron nee mak inportante ba povu no nasaun ida nee hodi kore aan husi invasaun Indonesia, se laiha loron 30 de Agostu too ohin loron mos ita seidauk kore aan husi okupasaun Indonesia,” katak Leopoldo Chefe Fan’s Radio STL.

Konseleiru joventude Aldeia 12 de Outobro, Mario Pereira hatete tan katak nia nudar sidadaun Timor Leste, sinte tristeza tanba, governo dalaruma la valoriza loron 30 de Agostu ida nee, maibe loron inportante mak hanesan ohin loron, needuni nia husu ba governo foun, tau aas no valoriza loron 30 de Agostu ho atividade atu bele hanoin hikas loron konsulta popular. Leo Goncalves

Facebook Comments

Leave a Reply

Your email address will not be published. Required fields are marked *