STL-Cup Hametin Amizade Entre Media

STL-Cup Hametin Amizade Entre Media

- in Desportu
477
0
87470059_2568967206655118_3073710525251584000_o

Editor : Crisogono Magalhães

DILI-Jogu futebol hodi selebra aniversariu STL Media ba dala 27 ohin hahu halo tecnichal meeting,ekipa neebe partisipa iha tecnichal meeting hamutuk 11, tolu husi instituisaun no 8 husi media

Lori Ceo STL Corp, Salvador Januariu Ximenes Soares nia naran hato agradese ba ita boot sira tanba konsidera konvite neebe mak fo sai hodi selebra aniversariu ba dala Rua Nulu Resin Hitu (27), neebe nia atividade ida mos maka desportu, desportu nee se la sala ami halo hahuu husi aniversariu 25,26 no 27 ba dala 3 ona.

Hau fiar katak ita boot sira uluk ita hamutuk neene maka nafatin, mesmu ohin loron bele iha oin foun tanba hau ladun movimentu iha jogu neebe, hau ladun apar mais iha Aniversariu 25 nee hau mos tama hotu iha laran, dehan Florencio Oliveira ba jornalista sira iha nia knaar fatin STL,Surikmas,Dili, Kinta (20/02/2020).

Nia hatutan, jogu nee rasik ho objetivu atu komemora aniversariu STL ba dala Rua Nulu Resin Hitu (27), jogu nee laos atu buka manan ka lokon maibe inportante mak ita nia amizade nee. tenik Nia

Iha fatin hanesan kordenador ba kompetisaun STL Cup Antonio Timotio dehan, ekipa neebe atu partisipa iha jogu STL CUP hamutuk 11, tolu husi instituisaun no 8 husi media.

Media 8 mak sei sai umanain laos STL deit, tanba jogu nee media mak hari, jogu nee hari atu halibur jornalista manan ka lakon nee la importante, importante mak ita nia amijade, dehan Timotio

Entretanttu reprezentante media Tatoli, Ortensio Sanches, hatete Tatoli partisipa iha jogu STL Cup laos atu buka manan.

Tatoli mai partispa iha jogu STL Cup nia objetivu nee hakarak atu hametin liutan amizade entre media ho media, entre jornalista ho jornalista atu harame liutan konpetisaun ida nee, dehan Ortensio

Nia hatutan ekipa hotu-hotu mai sempre optimista atu manan maibe Tatoli labele kolia uluk kedas tatoli mak manan, husi 90 minutu mak determina.

Abertura ba jogu nee rasik sei hahu iha loron Sabadu 16:00, ekipa uma nain (STL) sei hasoru ekipa husi media Independen.

Reportajen : Donaciano Magalhães/Crisogono Magalhães

Komentariu

Facebook Comments

Leave a Reply

Your email address will not be published. Required fields are marked *