Statua Avo Xavier Importante Ba Jerasaun Foun

Statua Avo Xavier Importante Ba Jerasaun Foun

- in Metro
884
0
1604382_1033057823486533_1559829927161377424_n

DILI– Oras nee estatua Primeiru Prezidente RDTL Francisco Xavier komesa monta iha rotunda Merkadu Antigu, ida nee sai hanesan istoria ida atu nunee aba jerasaun foun sira bele konese lider  sira. Laos nee deit maibe iha mos statua Nicolao no mos Dom Boaventura nian.

Hatete Deputadu Jacinto Viegas husi  Bancada CNRT hatete, haree ba statua Francisco Xavier nian, neebe mak monta ona, nee tanba avo Xavier hanesan mos lider ida neebe mak proklama  independensia iha 28  de novembru  1975 nebee nia statua neebe mak monta ona iha Bundara merkadu antigun nian, nee sei inagura iha dia 20  de Maiu agora nee.

Ami husi deputadu iha ona konvite para atu ba partisipa, neebe ho statua avo xave nian nee importante tebes atu nunee aban bainrua jerasaun foun sira mai bele konese katak ita nia proklamador primeiru proklama ba independente Timor nian iha 28 Novembru 1975, bainhira kuandu Portugal fo liberdade ba 11 provinsia atu eskola nia destinu,” katak Deputadu Jacinto Kinta (18/05/2017) iha uma Fukun Parlamentu Nasional.

Nia hatete, ho statua nee para ba oin bei-oan sira mai sira lahatene sira bele haree statua nee hodi bele buka tuir oinsa ba iha Muzeum atu bele lee istoria hodi nunee labele haluha istoria sira nee.

Entretantu Deputadu David Dias Ximenes husi Bancada FRETILIN hatete, haree ba agora Statua Primeiru Prezidente RDTL Francisco Xavier neebe mak monta ona iha Bundaran merkadu antigu, nee tanba uluk iha tempu difisil nia laran nia fo oin, depois nia hanoin hodi tuun mai iha vila laran maibe laos tuun mai goja, maibe nia ba hein ema nia kuda. Guilhermina Franco/Jacinta Sequeira

Facebook Comments

Leave a Reply

Your email address will not be published. Required fields are marked *