Statistika Apresenta Rezultadu Indise Presu Konsumidor Marsu

Statistika Apresenta Rezultadu Indise Presu Konsumidor Marsu

- in Economics
67
0
66merkadu-taibesi2

DILI- Dirasaun Jeral Statistika apresenta resultadu Indise Presu Konsumedor Fulan Marsu hatudu ba dala 51 hatudu katak iha inflasaun kiik 0,3%, afeta husi aihan bebidas, alcohol no tabaku.

Tuir Diretor Jeral Statistika Elias dos Santos Ferreira, Indise presu konsumedor fulan marsu laiha mudansa signifikativu entre fulan marsu kompara ho fulan fevereiru.

Se ita kompara fulan marsu 2017 entre fulan marsu 2016  ita iha inflasaun  0.3% signifika katak sasan folin normal,’’dehan Elias ba jornalista iha knar fatin Caikoli, Tersa (18/04/2017).

Nia hatete, Timor Leste (TL) depende ba sasan importasaun, kuandu sasan importasaun  folin sae, afeta kedas sasan folin iha merkadu, maibe tekniku husi statistika foti dadus iha supermarket sira iha dili laran hare sasan folin normal, maibe sasan balun folin  sae oituan deit.

Iha fulan marsu se kompra gropu hotu, iha 0,3% afeta husi hahan, bebidas no alcohol, maibe grupu seluk roupa no sepatu, uma, tama kategoria deflasaun.

Nia hatete, mina folin tun iha merkadu internasional otomatika iha merkadu TL folin tun, tanba TL depende ba importasaun mina husi rai liur.

Iha fulan marsu  katak,  gropu hotu 2%  gropu hotu la inklui uma 2%, hahan bebidas laos alcohol 1%, alcohol no tabako 1,3%,  sepatu no roupa 0,0%, uma 0,0%, manutensaun rutina ba  ekipamentus no mobilariu uma laran 0,3%, saude 0,0%, tansportasaun 0.0%, komunikasaun 0.0%, rekrasaun no kultura 0.9% no edukasaun 0.0% .

Iha fatin hanesan Avelino Marcal hanesan tekniku Statistika hatete, tinan nee fulan marsu rezultadu indise presu  konsumedor hatudu katak, inflasaun kiik 0,3% tanba afeta husi grupu hahan no bebidas no alcohol, tanba iha merkadu internasional folin sae afeta mos husi merkadu TL.

TL depende ba sasan importasaun, hare sasan folin iha merkadu internasional sae, afeta mos ba merkadu TL,’’dehan nia.

Nia hatete, dadus foti husi supermarket iha Dili laran hare fos lokal folin sae kompara ho fos importasaun, maibe mina folin internasional positivu ona, kompara fulan kotuk tun.

Nunee mos Xefi Departementu Merkadu Trabalho SEPFOPE Jose Bento hatete, mina folin tun iha merkadu internasional impaktu mos dolar no rendimentu husi mina nee.

Maibe ita hare mina folin tun, impaktu ba rendimentu,  maibe importante iha TL, Governu tenke kontrola  kuantidade mina, tanba iha stasaun kombustivel balun faan mina folin tun, U$ 1 maibe kuantidade latoo litru ida,’’dehan nia.

Iha seramonia apresentasaun rezultadu indise presu konsumedor fulan marsu partisipante husi estudante sira, funsionariu Statistika, inklui lina ministeriu relevante ho sosiedade sivil. Josefa dos Santos/Carme Ximenes 

Facebook Comments

Leave a Reply

Your email address will not be published. Required fields are marked *