STAE Distribui Buletin Munisipiu Inklui RAEOA

STAE Distribui Buletin Munisipiu Inklui RAEOA

- in Nasional
795
0
acilino-manuel-branco-stae

DILI – Sekretariadu Tekniku Administrasaun Eleitoral (STAE) aban Sesta, (14/7/2017) hahu halo distribuisaun ba materiais sensitivus no non sensitivus liliu bulletin votus ba munisipiu 12 inklui Rejiaun Administrativa Espesial Oe-Cusse Ambeno (RAEOA).

Tuir Sekretariadu Tekniku Administrasaun Eleitoral (STAE), Acilino Manuel Branco katak, imprimisaun bulletin votus hahu 22 fulan Juni remata 10 Julli. Dia 4 Grafika Nasional entrega ba STAE, depois STAE distribui ba munisipiu sira inklui RAEOA prepara ba eleisaun parlamentar.

Aban ita hahu halo distribuisaun ba munisipiu 12 no mos Rejiaun Administrativa Espesial Oe-Cusse Ambeno (RAEOA), inklui mos Australia, Portugal, Koreia du Sul no Inglatera,” dehan Acilino liu husi konferensia imprensa neebe mak halao iha edifisiu STAE, Caicoli-Dili, Kinta (13/07/2017).

Acilino haktuir, distribui mos tinta no sira seluk tan, material sira nee sei hela iha munisipiu durante semana ida hahu husi dia 14 too dia 20, kada munisipiu sei halo pakotementu hodi fahe tuir nesesidades sentru votasaun ida idak.

Iha fatin ketak, Deputadu Agostinho Lay husi Bankada CNRT esplika, hanesan reprezentante povu iha uma fukun Parlamentu Nasional nia haree STAE nia servisu lao diak tebes ba eleisaun parlamentar nee. Raimundo S. Fraga

Facebook Comments

Leave a Reply

Your email address will not be published. Required fields are marked *