SSF Rejistu Moras 115.908

SSF Rejistu Moras 115.908

- in Metro, Nasional
84
0
download (21)

Editor: Germano de Sousa

DILI– Husi Janeiru too Novembru 2019 Sentru Saude Formosa (SSF), rejistu pasientes neebe mai konsulta ho total 115.908 lakonta ho fulan dezembru 2019.

Tuir Xefe SS Formoza, Jaime dos Reis Belo katak, Husi total pasiente nee, mane hahu husi labarik too ema boot hamutuk 46.564. Nunee mos feto husi idade labarik too ema boot hamutuk 59.244.

Tanba durante iha tinan 2019 nia laran komunidade sira neebe konsulta iha SS Formosa kada loron rejistu husi 500 too 700, tun mai 200 resin.

Husi total pasiente 115.908 nee, mai ho moras oin-oin. Hanesan  ispa 19.637 kazu , moras kulit 3.112 kazu , diare 2.572 kazu , dermatitis 2.569 kazu, Conjuntivitis 695 kazu,  Scabeis 534 kazu , penumonia 306 kazu. Teben ran 45 kazu, HAT 1380 kazu, ho moras seluk seluk 18.711, katak Jaime ba STL iha nia knaar fatin, Sesta (10/1/2020).

Nia dehan, moras ispa moras kulit no moras dearia, mosu nian inpaktu mai husi ambient rasik neebe realidade iha Sidade Dili. Rai rahun mos barak husi estrada no kareta ka motor nia suar. Husi bee foer iha valeta kuak no hamos foer iha Estrada ibun, husi buat hirak nee halo ema hetan moras hanesan mear, inus been, isin manas, isin malirin no Nulun moras, nee maka realidade neebe pasinte sira mai konsulta iha centru saude Formosa.

Nia hatutan, hanesan infermeiro ka tekniku profesionais saude nian neebe servisu iha SS Formosa, neebe halo atendimentu ba iha Sub Distritu Nain Feto, fo lian menon kona-ba ambiente nian governu prepara ona fatin soe lisu neebe tau iha Estrada ninin ka iha bairu-bairu sira nee. Husu ba individu ka grupu no familia neebe hakarak produs lisu karik halo favor soe iha fati neebe governu prepara ona atu nunee pele prevene aan husi moras iha klima tempu nian.

Antes mos Doutora Vitalina Vilanova, dehan katak, moras ispa neebe pasiente sira hetan lapara kazu aumenta. Tanba inpaktu mai husi rai rahun neebe iha Dili laran kuaze iha Estrada ibun nakonu ho rai rahun nomos ho lisu neebe soe arbiru iha fatin. Neebe deit la tau tuir nia fatin, nomos ho klima neebe udan tiha rai manas nee bele lori bakteira no virus.

Tanba Moras ispa 80% husi pasiente neebe ami sentru saude Formosa atende ba lor-loron no 20% husi moras seluk, oinsa atu hadook aan ka prevene husi moras ispa nee presija moris tuir saude publiku nian neebe hatete tenki ser haris loron ida dala tolu, dehan nia.

Alende nee mos nia sujere ba familia sira neebe sempre hetan moras neebe temi ona, presija ba lalais halo tratamentu iha sentru saude neebe maka besik, postu saude siska ka movel klinik sira neebe besik para bele konsulta moras neebe iha.

Nunee mos pasiente Mariana maia, taka moras neebe pasiente sira hasoru barak liu maka Ispa.

Tanba ho situasaun ambiente neebe ita hela ladun mos, neebe nakonu ho rai rahun ka foer barak maka nia inpaktu halo populasaun sira hetan moras mear, inus been.

Alende nee mos nia dehan, maske ema moras barak maka mai halo tratamentu iha SS Formosa, maibe pesoal saude sira pasensia hodi halo atendimentu ba pasiente sira neebe maka mai halo tratamentu iha fatin nee. ESTI-03

Komentariu

Facebook Comments

Leave a Reply

Your email address will not be published. Required fields are marked *