SS Tenta Oho Fen

SS Tenta Oho Fen

- in Krime, Metro
55
0
87f31663eb075b743f551142bef5f125_w340_h250_cp

DILI-Tribunal Distrital Dili, halao julgamentu ba arguidu ho inisial SS, neebe tenta ou koko hasai lia fuan sunu no oho ninia fen,  bainhira nia fen husu osan salariu fulan.

Antes nee iha sala julgamentu arguidu nega ba faktus no lezada mantein ho akuzasaun neebe maka iha. Tanba nee Tribunal hare katak presiza tama ba iha akaresaun, hodi hare entre arguidu no lezada se mak bosok.

Iha akaresaun arguidu mantein katak,  nia la koalia lia fuan sunu no oho ba lezada,  maibe lezada mak koalia lalos. No lezada dehan katak, arguidu koalia duni lia fuan oho no sunu lezada nee, tanba iha momentu neeba lezada husu osan fulan nian ba iha arguidu.

Lezada dehan katak, arguidu fo osan ba lezada la fo kompleto, tanba nee halo lezada konfuzaun hodi husu tuir osan nee. Arguidu mos deklara katak,  durante nee arguidu fo hotu osan ba lezada.

Rona tiha husi parte akaresaun nian,  Tribunal adia tiha ba iha loron seluk, atu tama ba iha alegasaun.

Tuir faktus neebe iha katak, lezada no arguidu hanesan fen no laen,  agora dadaun sira iha oan feto nain rua.

Katak iha loron 25 Maio 2018, iha Likisa lezada husu osan fulan nian ba iha arguidu, tanba nee arguidu resposta ba lezada katak, se husu bebeik osan maka nia sei oho no sunu tiha lezada.

Ho resposta hanesan nee, mosu diskusaun entre arguidu no lezada,  halo arguidu nervozu hodi tebe dala ida ba iha lezada nia ain,  halo moras no kanek.

Konsekuensia husi arguidu nia hahalok nee,  halo lezada sente moras hodi ba hatoo keixa. Arguidu hanesan ema neebe hatene lei,  maibe nia nafatin halo hahalok nee ba nia fen.

Tanba nee, arguidu hanesan autor material ba krime violensia domestika ho forma ofensa integridade fisika simples neebe previstu iha artigu 145 husi Kodigu Penal.

Audensia julgamentu nee,  prezide husi juiz singular Maria Modesta,  Ministeriu Publiku reprezenta husi Prokurador Gustavo da Costa, arguidu hetan asistensia legal husi Advogadu Privadu. Terezinha de Deus

Komentariu

Facebook Comments

Leave a Reply

Your email address will not be published. Required fields are marked *