SS Falta Ai-Moruk, PN Lasimu

SS Falta Ai-Moruk, PN Lasimu

- in Metro
98
0
aimoruk

DILI-Membru Parlamentu Nasional (PN) sente preokupa ho  Sentru Saude (SS)  Postu Administrativu Ossu, Munisipiu Viqueque ho Sentru Saude Natarbora, Cribas tanba laiha ai-moruk. Hateten Membru Parlamentu Nasional (PN) Deputanda Izilda Pereira Soares husi bankada CNRT ba Jornalista sira iha PN, Segunda (6/3/2017).

Tuir Izilda katak, kada tinan PN aprova orsamentu ba saude ho montante boot maibe, tanba saida mak sentru saude laiha ai-moruk ida nee mak problema. Hodi halo pasiente sira ba konsulta fali iha Klinika Madre.

Tanba nee, husu ba inspector sira Ministeriu Saude (MS) kontrola ai-moruk  iha SS. Tanba kada segunda no Tersa PN sempre hakilar hela deit problema ai-moruk laiha.

Maibe orsamentu neebe husi parlamentu aprova kada tinan-tinan aprova orsamentu ba Ministeriu Saude barak.

Nunee mos, Membru Parlamentu Nasional Bankada Fretilin Anastacia da Costa S. Amaral, dehan, foin lalais mak PN aprova Orsamentu Jeral Estadu (OJE) ba tinan 2017 nian orsan tau ba MS iha montante U$ 4,9 milaun.

Agora tanba saida mak ai-moruk iha SS Ossu, Munisipiu Viqueque kontinua laiha, ida nee halo oinsa?

Informa Anastacia, tanba ho rasaun ai-moruk laiha mak dala-ruma pasente sira ba halo konsulta imfermeira-imfermeiru no dotor sira fo tiha reseitas. Pasente sira lori ba fatin simu  ai-moruk, maibe parteira  sira dehan ai-moruk laiha, iha deit parcetamol ho amoxilin.

Tanba nee husu ba Sekretaria Asuntu Parlamentar oinsa atu hatoo preokupasaun nee ba Ministra Saude, tanba liga ho ema nia saude.

Nunee mos, Membru Parlamentu Sublinante husi Bankada PD Adriano do Nasimento, hateten, uluk iha debate OJE 2017 PD hakarak profoin tautan orsamentu ba Ministeriu Saude.  Maibe hotu-hotu dehan labele orsamentu ba MS kompletu ona.

Relasiona ho situasaun nee katak, Adriano, iha Domingu (5/3/2017) bainhira nian ba Apotik Moris Foun Colmera, nia hasoru komunidade nain rua neebe preukupa buka fatin tabung raan. Dehan  dotor sira husi HNGV mak haruka sir aba buka iha Apotik Moris Faun.

Nee duni husu ba Sekretaria Asuntu Parlamentar Terezinha Maria Viegas, oinsa atu hatoo preokupasaun nee ba Ministra Saude kona-ba falta ai-moruk. Augusto da Costa

Facebook Comments

Leave a Reply

Your email address will not be published. Required fields are marked *