Sosiedade Sivil Rejeita EA

Sosiedade Sivil Rejeita EA

- in Politics
141
0
download (1)

Editor Godinho Barros

DILI — Organizasaun Nao Governamentais NGO Luta Hamutuk  rejeita  Eleisaun Antisipada, tanba povu  terus no lakohi terus tan.

Diretor Luta Hamutuk José Alves da Costa dehan impase politika neebe lao iha rai laran tanba partidus politikus sira, laiha kapasidade atu rezolve.

Ami rejeita Eleisaun Antisipada, diak liu lider sira buka meus kontinua Governu ho kondisaun saida deit, tanba, povu sira terus ona lakohi terus tan, hatete Diretor Luta Hamutuk nee ba STL iha nia knaar fatin Farol,Dili, Kuarta (12/02/2020).

Nia hatutan posibilidade boot governu grande inkluzaun mai husi  partidu sira neebe mak hetan kadeira iha parlamentu nasional. Tan nee buka malu tuur hamutuk, harii governasaun foun hodi hatutan tinan tolu mandatu governu.

Jose dehan eleisaun antisipada opsaun ida maibe sei iha opsaun seluk atu hakotu impase nee  laos ho Eleisaun, nee kabe ba dignidade Estadu, tanba  eleisaun antisipada foin halao   2018 agora tenke halao tan.

Impase nee afeta mos ba ekonomia povu nian, agora povu moris susar, maibe governu hakarak gasta osan hodi halao  EA.

Hau fiar katak ikus laiha partidu ida mak manan absoluta atu ukun mesak, partidu sira sei buka malu to dalan klaran rahun tan,  povu nee  moris para   eleisaun hela deit, komenta Jose.

Tuir Diretor nee Eleisaun Antisipada laiha vantajen ba povu, tanba imposivel ferik sira iha foho ba tuur iha parlamentu ka governu. Eleisaun interese  lider sira nia atu ba ukun, laos povu.

Vantajen nee ba iha politiku nain sira deit, sira mak sei troka malu,  sei nafatin tur iha kadeira hodi ukun, tenik Jose.

Sosiedade sivil husu ba ukun nain sira katak,  povu sira terus demais ona, tinan tolu ona inserteza politika afeta tebes ba povu nia moris, ema barak abandona sira nia rain ba buka moris iha ema nia rain, ema barak lakon sira nia servisu,  tanba nee povu fo ona sira nia konfiansa  liu husi eleisaun,  hanesan kompromisiu ida ba iha politiku sira atu haree povu nia moris, labele halimar demais ho povu nia moris.

Iha fatin hanesan Prezidente Yout Leadership Development  Program Timor Leste (YLDPTL), Felix Cristovão Pinto dehan lider sira diferente ideas, balun dehan Eleisaun Antisipada, balun dehan forma deit Governu, para solusiona impase politika, maibe iha parte ida mos hanesan foin sae nia perspetiva situasaun nee dada naruk impaktu boot ba povu nia moris.

Nia relata veteranus balun mensiona katak sira sei mobiliza sidadaun sira la ba tuir vota, karik Eleisaun Antisipada, rajaun tanba, povu terus ona lakohi terus tan.

Hau hanoin dalan diak mak husi dialogu neebe mak prezidente Republika halo oinsa mak konvoka sosiedade sivil sira liliu partidaria sira atu bele ultrapasa impase politika ida nee, tenik Felix.

Prezidente YLDPTL dehan iha tinan rua liu ba TL halo ona  EA, gasta osan barak ba  EA enkuantu agora komunidade ejize hela bee mos, eletrisidade, seidauk hatan  maibe mosu tan EA.

Nunee mos Tomas da Costa hatete, impase politika neebe  sai ema hotu nia preokupasaun, rezolve liu husi tuur hamutuk entre lider sira sai hanesan lisaun diakba jerasaun foun hodi lao tuir aban bainrua.

Ami jerasaun foun hanesan kontinuador  nasaun nia distinu  saida mak ami atu aprende husi   ukun nain sira agora nee, tenik Tomas.

Nia husu lider sira garante malu iha Governu atu ukun to tinan lima, ida neebe povu fo fiar ukun too tinan lima, labele korta iha dalan klaran. EST UNITAL 01

Komentariu

Facebook Comments

Leave a Reply

Your email address will not be published. Required fields are marked *