Sosializa Lei Zero Toleransia VD

Sosializa Lei Zero Toleransia VD

- in Krime
202
0
download (18)

Editor: Godinho Barros

DILI– Lei zero Toleransia ba Violensia Domestika tenke  sosializa ba iha baze, atu komunidade iha area rural sira kumpriende no hatene katak violensia domestika nee hahalok krime.

Prezidente Redi Feto, Judite Dias Ximenes hatete, desizaun neebe tribunal sira hasai kona ba zero toleransia ba violensia domestika, labele rai deit hanesan surat tahan, maibe tenke sosializa atu publiku bele hatene.

Lei nee presiza too iha area rurais hotu tanba povu barak seidauk asesu ba informasaun konaba asuntu violensia domestika ninian, dehan Judite Dias Ximene ba STL iha Salaun MSSI Kaikoli Kinta (09/01/2020).

Eis Deputada Fretilin nee informa Redi Feto esforsu makaas, ohin loron iha ona lei zero torelarasia ba violensia domestika. Durante  tinan naruk rede feto luta para iha lei ida atu fo protesaun ba familia iha uma laran husi hahalok violensia domestika, tanba nee mak lei nee iha ona presiza halo sosializasaun ba komunidade sira iha remotas sira.

Prezidente Redi Feto dehan Redi Feto ho nia parseru sira  halo esforsu oin-oin too tribunal hasai ona desizaun zero toleransia ba violensia domestika, tanba iha tempu naruk rede feto halo influensia ho Parlamentu Nasional hahu 2000  too 2010. Ejijensia lei violensia domestika nee tanba kazu violensia kontinua aas iha rai laran.

Judete dehan prizioneiru barak kauza husi komete krime violensia domestika, tan nee prizaun mos arepende katak uluk mak sira hatene informasaun violensia domestika nee krime publiku, la komete maibe tanba laiha informasaun, komunidade  sira komete krime violensia demedtika.

Se Tribunal deklara ona zero toleransia ba violensia domestika, tribunal nee tutela ba iha ministeriu justisa nian, tanba nee mak oinsa mak ministeriu esforsu aan atu nunee ema hotu bele konese lei ida nee, se lei nee ema lakonese klaru ema sei lahatene katak jero toleransia ba violensia domestika no violensia domestika nee krime publiku, katak nia.

Iha fatin hanesan Diretora Moffe Yasinta Lusina dehan, organizasaun neebe mak tau matan ba feto sira hamutuk ho governu presiza halo sosializasaun ba lei ida nee ba iha familia sira atu nunee bele haburas dame no domin iha familia. Ita kontinua servisu makaas oinsa mak sosializa lei ida nee nomos halo senseblizasaun ba familia sira oinsa mak haburas dame no domin no liu-liu respeita malu iha membru familia hanesan fen laen, inan aman, tiu,tia sira hotu, esplika Yasinta.

Nia akresenta senseblizasaun lei nee neneik no bebeik sei haburas kultura respeita malu no hapara violensia, tanba dalabarak mosu violensia iha uma laran.

Nunee mos Juiz Administrador Tribunal Distrital Dili, Afonso Carmona dehan,   krime violensia domestika numeru neebe aas iha rai laran, agora tribunal distrital dili halo ona mudansa, sei foti desizaun zero toleransia, no aplika pena prizaun no laiha pena suspensaun.

Juis Administrador nee akresenta kazu sira  neebe akontese iha 2020, tribunal tenta atu hasoru ho programa ida naran zero toleransia, signifika katak se maka halo krime violensia domestika  iha 2020, posibilidade tribunal aplika pena efetiva, se maka hakarak pena suspensaun halo rekursu ba iha tribunal rekursu hodi muda.

Nia hatutan, tribunal distrital hanoin dalan seluk ona, maske iha tinan hirak liu ba aplika ona medida seluk, maibe balu halo nafatin, tanba nee agora tenke aplika lei neebe forte ho sansaun neebe forte, atu redus krime violensia domestika.

Komentariu

Facebook Comments

Leave a Reply

Your email address will not be published. Required fields are marked *