Sosiadade Sivil Lakonkorda PN Sosa Kareta Foun

Sosiadade Sivil Lakonkorda PN Sosa Kareta Foun

- in Nasional
47
0
ONG

DILI- Sosiadade sivil iha rai laran lakonkorda Parlamentu Nasional, sosa kareta foun ba membru deputadu 65, tanba gasta deit orsamentu.

Diretor Asosiasaun HAK Manuel Monteiro hatete, Hanesan Sosiadade Sivil nafatin la konkorda Parlamentu Nasional sosa kareta foun, tanba gasta osan nee solin hanesan bee, tanba osan orsamentu estadu ninia nee mai husi fonte ida deit rekursu mina rai. Enkuantu mina rai nee maran atu foti fali osan nee husi neebe.

Estadu nee gadai ona tanba nee maka ami la konkorda atu sosa kareta foun, maibe trata uluk lai kareta sira neebe iha ona trata tiha lai ba, depois mai hatama patrimoniu estadu ninia cek tiha lai bainhira kareta nee nia kondisaun la diak halo fiskalizasaun duni,” dehan Diretor Manuel, ba jornalista sira, iha nia servisu fatin, Farol, Dili, Kuarta (07/11/2018).

Tanba Diretor Manuel hatete, Sira rona deputadu sira balun nakar kareta sira ba hadia, maib sira la ba hadia sira ba troka tiha rona informasaun ida nee tenke halo investigasaun, Parlamentu Nasional tenke hakaas halo investigasaun ba hatoo keixa ba polísia ba buka tuir maibé PN laiha vontade atu trata asuntu nee.

Nia dehan, Agora orgaun soberanu sira maka tenke hanorin sidadaun sira oinsa maka atu moris ho simplesidade ka moris ho bai-bain deit, se salariu hanesan nee, too ona salariu hanesan nee lalika buka tan ida seluk.

Iha parte ketak Peskizador AJAR Inocencio de Jesus Xavier louva inisiativa estudante sira neebe mak ho aten brani sakrefika sira nia estudu, tuir lolos estadu kria kondisaun ida diak atu sira labele lokon tempu ba halo asaun, maibe kria kondisaun diak para aban bainrua bele sai future lideransa neebe diak, mais tanba injustisa social neebe mak mosu iha ita nia lideransa estadu nian entaun sira tenke salva patrimoniu riku soin povu maubere nia. Notisia kompletu lee iha jornal STL edisaun Kinta (08/11/2018). Carme Ximenes

Facebook Comments

Leave a Reply

Your email address will not be published. Required fields are marked *