Sosa Saham, Governu Kumpri Desizaun Branco: Labele Ansi

Sosa Saham, Governu Kumpri Desizaun Branco: Labele Ansi

- in Economics
401
0
Profil Akara

DILI — VIII Governu Konstitusional sei kumpri desizaun neebe asina ona kontratu atu sosa saham Conoco Philips no mos Shell iha fim de Marsu tanba nee data masimu mak 30 ou 31 fulan nee.

Tuir Reprezentante governu hanesan Sekretariu Estadu Comunikasaun Sosial (Secoms) Mericio Akara, sosa saham 2 hanesan maun boot Xanana esplika katak ida nee estratejiku investimentu ida neebe boot ba futuru nasaun nian neebe membru governu sira sei asegura ida nee tuir tempu. “Fim do mes ita sei kumpri ita nia responsabilidade, neebe maximu liu 30 ou 31, tanba agora hela kestaun tekniku deit ona atu transfere deit ona osan. Neebe ita sei tuir ita nia komitmentu sei laiha mudansa, neebe atu selu nee lapresiza liu data neebe mak termina ona iha kontratu, tanba interese nasional i investimentu estratejiku ba nasaun nian,” hatete Mericio ba Jornalista Segunda (22/03/2019) iha PN.

Nia hatutan deputadu rekerente sira rekere fila fali ba desizaun tribunal, no tribunal notifika fali PN, ida nee laiha impaktu atu selu saham 2 nee, tanba ida nee prosesu ketak ida, governu kontinua selu saham 2 nee tuir kompromisiu neebe mak iha, neebe labele kahur malu, tanba parte governu kontinua asume nia responsabilidade atu bele selu saham 2 nee. “Neebe ida nee laiha impkatu tanba governu halo prosesu hotu tenke tuir lei I tuir baze legal neebe mak ita iha no ita laviola lei ida, neebe ita assume responsabilidade hodi selu tuir data neebe mak determina,” tenik Akara.

Governu katak SECOMS nee lakohi tama iha interpretasaun, baze legal mak kompetensia orgaun estadu sira seluk governu nian mak kumpri lei i lei fo dalan, tanba nee sei uza ida nee, tan nee fim do mes halo ona pagamentu.

Entretantu Vise Bankada Fretilin Deputadu Francisco Branco husu atu lalika ansi se lae viola regras. Nusa mak la hein tan prosesu nee too kedas final para hasai desizaaun bazeia ba lei lalikan ansi demais, tanba nasaun nee estadu de deireitu lalaok hotu kaer ba lei neebe ida neebe mai hanoin ida ne mak prinsipiu fundamental afirmasaun estadu direitu nee importante,” tenik Branco.

Nia akresenta katak governu diak liu hein prosesu final, kuandu anunsiamentu husi tribunal loos ona mak bele sosa.  Enkuantu kona ba data atu selu iha fim de Marsu karik liu data terminadu nee Timor-Leste sei kona multa, ida nee problema seluk ida, tanba nee kontratu nian. “Kontratu ida nee too agora ita laharee, i nunka lee, tanba nee sira lahatene nia konteudu nee halo nusa, tuir loos nee nia kontratu nee hatudu mai atu haree katak ida nee loos, maibe koalia deit nee hanoin lalaok neebe laloos,” komenta Branco.

Nia afirma too agora sira seidauk haree kontratu ba atu sosa saham 2 nee, karik fim de Marsu governu halo pagamentu nee mos sira laiha asesu, governu mak hatete, maibe Fretilin la hare, tanba nee mak sira nia direitu tuir konstituisaun republika artigu 70 katak opozisaun iha direitu atu hetan informasaun kona ba buat sira neebe mak interese nasional nian, ida nee mak baze ba sira nia ejizensia. Guilhermina Franco / Madalena Horta

Komentariu

Facebook Comments

Leave a Reply

Your email address will not be published. Required fields are marked *