Sosa Motor Naok JAS Hatan Tribunal

Sosa Motor Naok JAS Hatan Tribunal

- in Krime
230
0
Tribunal

DILI- Tribunal Distrital Dili julga arguidu JAS, tanba sosa tutan motor neebe naok husi arguidu A iha Manleuana.

Tuir akuzasaun husi Ministeriu Publiku katak, iha loron 31 fulan Maiu tinan 2016, haleu tuku 5:00 dadersan iha uma Manleuana Dili, Lezadu Bernardo Fame hader mai hare katak, nia motorizada ho marka Honda Vario Tekno, kor laranja ho nia xapa matrikula F 6966 T1, neebe para iha uma laran lakon tanba ema naok.

Motorizadu nee, lezadu hola iha tinan 2012, husi kupang Indonezia ho valor $ 1. 790,00 USD. Hafoin nia motorizada nee lakon, lezadu aprezenta keixa iha eskuadra polisia Comoro no fo konesementu ba DNTT atu tau atensaun ba ema neebe maka atu renova dokumentu foun motorizada nian.

Liu tiha loron sanulu hafoin lezadu aprezenta keiza, funsionariu DNTT Comoro kontaktu ba lezadu liu husi via telefone katak ema ida diskunese lori motorizada en kauza ho objetivu atu troka dokumentu motor nian.

Rona tiha informasaun nee, lezadu desloka kedas ba iha DNTT Comoro no konfrima katak motorizada refere pretense ba ninian, maibe testamuna Abril Dos Santos, husi polisia unidade tranzitu hateten katak, Arguidu JAS mak husu ajuda ba nia atu tarata dokumentu foun, troka naran ba motor refere, husi nain Bernadino Fame ba arguidu JAS.

Hafoin arguidu foti naok lezadu nia motorizada, arguidu mos falsifika lezadu nia asinatura liu husi akta compra venda falsu entre lezadu ho arguidu, iha fls ho folin ba motorizada $ 800,00 USD.

Objetivu enkauza motorizada, diresaun nasional transporte terrestre entre dokumentu ho motorizada nee, ba polisia unidade tranzitu Dili, konforme dokumentu.

Ministeriu publiku akuza arguidu hanesan autor material ho forma konsumadu, pratika krime ida frutu agravadu, iha artigu 252, no artifu 303 iha kodigu penal.

Hatan ba akuzasaun nee, arguidu JAS deklara faktus hirak nee, balu loos no balu lalos.

Hau laos ba naok iha ema nia uma, maibe Apeu mak fan fali mai hau, no hau konhese nia tanba bebeik ona nia naok motor hodi fan mai ami, no hau nia tiu sira. Nia faan mai iha ho surat no save kompletu, hau sosa ho folin tiga ratus,”deklara arguidu iha sala Audensia Tribunal Distrital Dili Kinta, (19/10/2017).

Nia deklara tan, nia sosa tiha motor nee, hafoin nia husu ajuda ba iha polisia ida atu tulun nia hodi tarata dokumentu, hodi troka motor nee nia naran, ba iha nia naran. Maibe la konsege troka tanba husi DNTT indentifika motor nee hanesan motor neebe ema nain hatam ona keiza, nunee detein tiha iha polisia.

Aldene nee mos lezadu deklara, motor nee lakon iha dader, maibe para besik iha uma oin, no save motor nia tau hela iha luhu ida besik ortoriu. No hader mai hare motor la iha, tanba nee ba hatoo kedan keiza iha polisia.

Rona tiha deklarasaun tribunal adia fali julgamentu ba iha loron 13 Novembru tuku 4:00 loraik hodi rona deklrasaun husi testamunha.

Audensia julgamentu nee, preside husi juis kolektivu, Juiza Fransisca Cabral, juis Antonio Do Carmo, juis Eusebio Xavier, no ministeriu publiku reprezenta husi prokurador Jose Ello, arguidu hetan asistensia legal husi defensor publiku Fernando Carvalho. Terezinha de Deus

 

Facebook Comments

Leave a Reply

Your email address will not be published. Required fields are marked *