Sosa Kareta Luxu, Povu Kiak

Sosa Kareta Luxu, Povu Kiak

- in Economics
521
0
easttimor

DILI – Kada Tinan 5 Governu hasai osan boot hodi sosa kareta Luxu ba membru Governu no Deputadus sira neebe hetan kompetensia atu tur iha PN no Governu, maibe hare ba moris povu nian numeru kiak kontinua aumenta.

Preokupasaun nee fo sai husi Diretur ezekutivu ONG Luta Hamutuk, Mericio Akara ba STL, Sesta (17/03/2017) iha nia knaar fatin Farol Dili.

Hau hanoin Prezidente Parlamentu tenke iha komitmentu hahu hanoin ona despeza, tuir ita nia kondisaun no rendementu neebe iha, tan nee agora hahu halo rezolulasaun atu nunee labele sosa kareta neebe folin karun, tanba osan husi mina nos gas mos tun ona ba Billaun 15.8 resetas seluk laiha, no povu iha area remotas sei moris kiak,” informa Diretur Luta Hamutuk.

Nia mos informa liu tan katak, Prezidente Parlamentu tenke halo ona rezolusaun ida hodi hapara ho osan neebe iha tanba, sosa kareta luxu maka ninia manutensaun sei gasta osan boot, tan nee diak liu sosa kareta neebe la luxu atu nunee labele gasta osan boot ba manutensaun.

Ita bele hola kareta luxu maibe hare povu nia moris, numeru kiiak kontinua aumenta, diak liu hola kareta neebe la luxu atu nunee osan bele rai, hodi hadia povu nia moris tanba, kada tinan lima ita hola kareta luxu maibe programa barak maka lao tan nee, benefisiu nee laiha,”informa Akara.

Iha parte seluk Reprezentante povu iha Uma Fukun Parlamentu Nasional, Deputadu Arao Noe hateten, Parlamentu ho Governu presiza duni transporte hodi halo servisu iha baze atu hadia povu nia moris.

Ita nia dezenvolviemntu iha Nasaun ida nee avansadu dadauk ona, kompara ho Nasaun seluk neebe ukun aan kleur ona nee, numeru kiak sei barak, no hare ba TL foin ukun aan maibe povu sente ona dezenvolvimentu iha rai laran, maske sei iha balun neebe moris kiak, tan nee presiza transporte atu nunee membru PN ho governu bele halo servisu hodi hadia povu nia moris,” informa Arao Noe.

Nunee mos Deputadu Paulino Monteiro mos hateten, los duni hare ba osan husi mina nian hahu tun dadauk ona tanba nee, maka sosidade sivil husu atu halo poupansa, maibe atu dehan deit katak Governu ho PN presiza duni kareta atu halo servisu iha baze, tanba kompara ho povu nia moris maka dezenvolvimentu labele lao ba oin, neebe atu halo servisu iha baze maka presiza transporte, tanba nee tenke tetu hotu. Madalena Horta

Facebook Comments

Leave a Reply

Your email address will not be published. Required fields are marked *