Solusiona Tensaun Politika, PR Lú Olo Hahu Konvoka Reuniaun Parpol 5

Solusiona Tensaun Politika, PR Lú Olo Hahu Konvoka Reuniaun Parpol 5

- in Nasional
744
0
PR Lu OLo

DILI – Atu solusiona tensaun politika neebe maka dadaun nee lao iha Timor-Leste, Prezidente Republika Francisco Guterres Lú Olo sei konvoka reuniaun ho partidu lima Fretilin, CNRT, PLP,  PD no KHUNTO hodi rona opiniaun partidu lima antes foti desizaun.

Tuir komunikadu imprensa neebe maka STL asesu husi palasiu Prezidensial Nicolau Lobato Bairru Pite, Segunda (22/1/2018) konfirmadu katak Prezidente Republika sei foti desizaun. Ba ida nee Xefe estadu sei konvoka reuniaun ho partidu lima Fretilin, CNRT, PLP, PD no KHUNTO   hodi rona opiniaun partidu lima.

Prezidente Repúblika Francisco Guterres Lú Olo, Tersa (23/1/2018), sei halo konsulta ho Partidu Polítika sira neebe asentu iha Parlamentu Nasionál. Xefe Estadu sei aproveita sorumutu ho partidu polítika sira  hodi rona sira nia opiniaun idak idak.

Alem ida nee Iha Kuarta-feira, loron-24, óras: 09:00 OTL, Prezidente Repúblika sei hasoru malu ho membru Konsellu Estadu hanesan mós reunian Konsellu Estadu, hodi rona opiniaun ikus husi partidu ida-idak no membru sira Konsellu Estadu, molok foti desizaun hodi hakotu impase polítika neebé país nee infrenta.

Membru Konsellu Estadu ne’ebé ba periodu 2017 – 2022, kompostu Xefe Estadu, eis Prezidente Repúblika sira, atuál Prezidente Parlamentu Nasionál, atuál Primeiru Ministru, hola parte mos membru sira neebé Parlamentu Nasionál hili hanesan: José Marcelino Cabral Belo, Aurora Ximenes, Virgílio da Costa Hornai, Virgílio Smith, José dos Santos “Naimori Bukar” no membru sira neebé nomeia husi atuál Prezidente Repúblika mak hanesan: Oscar Lima, Faustinho Godinho Gonçalves da Costa, Alcino de Araújo Barris, Mari Dadi Soares Magno no Laura Soares Abrantes.

Molok ne’e, desde fulan Outobru 2017, Prezidente-da-Repúblika Francisco Guterres Lú Olo hala’o tiha ona dialogu ho entidade oioin hanesan konfisoen relijioza sira, reprezentante veteranu, reprezentante organizasaun juventude rezisténsia, organizasaun sosiedade sivil, organizasaun estudantil hodi rona sira-nia opiniaun atu bele foti desizaun hodi hakotu impase polítika ne’ebé mosu hafoin formasaun VII Governu Konstitusionál. Natalino Costa

Facebook Comments

Leave a Reply

Your email address will not be published. Required fields are marked *