Soke Gui Nia Ain, Tribunal Suspende Alex Tinan 1

Soke Gui Nia Ain, Tribunal Suspende Alex Tinan 1

- in Notisias Online
301
0
Tribunal

DILI-Tribunal Distrital Dili aplika pena prizaun fulan 10 no suspende ba tinan ida fulan nen, hasoru arguidu Alexandrinho da Costa Freitas neebe provadu lori motor soke tohar vitima Gui Ribeiro nia ain.

Tuir akuzasaun Ministeriu Publiku katak iha lororn (16/04/2014) oras tuku 15:00 loraik, lezada Gui Ribeiro ho motor Mio tun husi area eis edifisiu World Vision nian atu tun ba area Banku BNU. No arguidu Alexandrino lori motor husi area edifisiu Kuartel Jeral PNTL Caicoli nian atu tesik mai edifisiu EDTL ka MAE nian depois too iha kruzamentu edifisiu ministeriu nia oin arguidu soke lejada nia motor iha klaran no lejada nia ain tama ba arguidu nia motor nia janti oin hodi rezulta lezada nia ain tohar, depois ida nee lori kedas ba hospital hodi halo tratamentu. Ironia liu tan arguidu mos lori motor laiha karta kondusaun nunee mos lezada l iha karta kondusaun hotu.

Ho akontesementu nee Ministeriu Publiku akuza arguidu komete krime sem karta kondusaun no krime ofensas integridade fiziku simples por neglizente. Nunee liu husi alegasaun final MP husu ba Tribunal atu aplika pena prizaun tinan ida fulan nen no suspende tinan rua ba arguidu.

Tuir sasin Carlos Malibere, agente Polisia Unidade Transito Dili, deklara katak momentu neeba ahi trafiku iha area edifisiu MJ nia oin nee mate. Nunee motor ho kareta sira neebe mak halai liu husi neeba tama konforme deit so uza atensaun ba malu deit para labele hetan soke malu.

Hafoin rona tiha deklarasaun husi sasin no akuzasaun husi Ministeriu Publiku (MP), nian husi parte defesa husu ba tribunal atu absolve arguidu husi krime rua nee, tanba arguidu kopera diak parte seguransa nian (Polisia), hodi buka dalan ba rezolve no konsege fo tiha ona U$100,00 ba lezada hodi hadia motor nia sasan neebe at no kopera diak ho tribunal hodi mai partisipa iha julgamentu sira nee. Informasaun kompletu iha STL Jornal no STL Web, edisaun Tersa (22/9/2015). Domingas Gomes

Facebook Comments

Leave a Reply

Your email address will not be published. Required fields are marked *