Soe Foer Arbiru, Multa U$ 115.00

Soe Foer Arbiru, Multa U$ 115.00

- in Metro
898
0
edisi_86 kirim jadi-62

Dili–Ministru Estatal Deonizo Babo, Kinta (14/6/2017) halo  enkotru ho  Prezidente Autoridade Munisipiu Dili (AMD) inklui Autoridade Lokal hodi koalia kona-ba jestaun lixu.

Tuir Prezidente Autoridade Munisipiu Dili (PAMD) Gaspar Soares katak, objetivu enkontru nee koalia-ba lei numiru 2/20207 kona-ba sistema de jestaun politiku urbanas. Iha dekretu lei nee mos husi nivel munisipiu halao ona too iha nivel postu administrative inklui suku no aldeia.

Tuir Gaspar katak, iha dekretu lei 2/2017 artigu 43 koalia kona-ba atu aplika taxa neebe mak komunidade sira lakumpri. Lei ida nee rigorozu uitan tanba semak soe foer iha fatin neebe laos   fatin lixu. Sei hetan responsabiliza ba nia atetude neebe nia halo hetan multa koima, koima nee mak selu U$ 115.00 Dolares Amerikanu.

Nuunee mos ba kualker kareta lixu ou husi kompania uainhira tama iha Sidade Dili laran  kuandu foer sira monu iha estrada laran sira nee mos sei selu multa U$ 115.00 Dolares Amerikanu.

Ho kestaun hirak nee mak husi parte Autoridade Munisipiu Dili agora dadaun  nee komesa halao sosializasaun ba nivel postu  no xefe suku sira iha Munisipiu Dili atu inplementa dekretu lei refere.

Iha fatin hanesan Xefe Suku Caicoli, Hipolito Marques Sarmentu hateten, sorumutu nee hodi koalia kona-ba futuru Sidade Dili.

Ami hasoru malu ho Ministru Estatal   koalia halai liu ba lixu urbana tanba, kareta neebe raut foer hamutuk kamionetas 40 seidauk sufisiente. Nee duni, lixu kontinua nafatin namakari tanba ita nia komunidade sira seidauk iha konsiensia hodi soe foer iha fatin,”katak Hipolito.

Tuir nia, ho kestaun ida nee mak horibainrua nee Ministru estatal ho Presidenti Autoridade Munisipiu Dili, Administrador postu Administrativu nomos xefe suku husi Munisipiu Dili hasoru malu hodi kualia kona-bna sosializasaun ba lixu.

Nunee mos kona-ba estatua Proklamdor Francisco Xavier do Amaral neebe dadaun harii iha area Suku Caicoli hanesan iha rotunda Eis Merkadu Lama, tuir nia fatin nee ema seguransa sira iha maibe seguransa sira nee mos loron deit kalan laiha entaun ema tama-sai iha fatin nee hanesan fatin foto ninian.

Nia hateten katak estatua proklamdor Francisco Xavier do Amaral nee hanesan ema istoriku tinan 1974-1975 entaun iha neba movimentu ema nee barak tebes.

Xefe suku nee mos rekuinese katak, iha fatin estatua proklamador laiha odamatan nee duni kalan no loron ema sempre ba hela deit iha neba hodi hare estatua Xavier.

Nunee mos Xefe Suku Grisenfor Francisca Sãojina de Jesus Britis Borges hateten, tempu besik ona eleisaun parlamentar sira tenke ho andamentu nebe mak iha hodi hamos fatin sira neebe ladun hijenu ba saudi.

Iha Suku Grisenfor kona-ba lixu laiha problema tanba sira sempre halao programa kada Sesta halao limpeza jeral iha suku laran.

“Ami sempre  semana-semana  ho hau nia komunidade sira iha hau nia suku Griaenfor rasik halao limpeza jeral tanba hau nia suku nee iha aldea tolu deit ho total populasaun hamutuk 2749 pessoa nee duni fasil atu kontrola,” katak Francisco. EST6/Est3

Facebook Comments

Leave a Reply

Your email address will not be published. Required fields are marked *