Soe Bebe Ba Sintina, EA Sai Arguida

Soe Bebe Ba Sintina, EA Sai Arguida

- in Nasional
511
0
TTD1

DILI- Arguida ho inisial EA tenke hatan tribunal, tanba soe nia oan ba sintina kuak durante oras haat, tanba nia hanoin labarik neebe nia partus hena foer.

Hafoin oras hat, arguida EA nia inan mak foti sai husi sintina kuak, no bebe nee sei moris hela.

Ho arguidu nia hahalok nee mak Ministeriu Publiku akuza arguida ho krime infantisida ho forma tentada previstu iha artigu 142 no 23 iha kodigu penal Timor Leste.

Hatan ba akuzasaun nee arguida EA rekonese akuzasaun nee los hotu.

Iha momentu nee, hau la lahatene katak, nee bebe hau hanoin nee hena foer, nunee soe ba sintina kuak no mos momentu nee, hau senti oin nakukun nunee hau lahatene katak nee bebe ida, deklara arguida iha sala julgamentu.

Nia hatutan, arguida la iha intensaun atu soe bebe, tanba nia kondisaun gravida nee nia inan ho nia bin hatene.

Iha fatin hanesan sasin Olivia Araujo Fatima hatete, momentu nee kuandu nia hatene arguida EA gravida iha fulan hitu ona, kuandu sira ba buka tuir mane neebe fo isin rua ba arguida mane nee halai tiha.

Audensia julgamentu nee prezide husi Juiz koletivu Ana Paula, Euzebio Xavier, Jacinta Correia ,Ministeriu Publiku reprezenta husi Prokurador Hipolito Santa, arguida hetan asistensia legal husi Defensor Publiku Juvinal Yohanes. . Notisia kompletu lee iha jornal STL edisaun Sesta, (08/06/2018). Terezinha De Deus

Facebook Comments

Leave a Reply

Your email address will not be published. Required fields are marked *