Sobre Uza Kapasete, OPS Baucau Vilha Presiza Fahe Informasaun

Sobre Uza Kapasete, OPS Baucau Vilha Presiza Fahe Informasaun

- in Distritu
136
0
capacete-pro-tork-new-atomic-usa-10777

BAUCAU-Segundu Komandante PNTL Munisipiu Baucau Superintendete Assistente Polisia, Joni Viana husu Ofisial Polisia Suku (OPS) iha area Postu Administrativu Baucau Vilha atu hakbesik an no fahe informasaun ba eskola sira konaba uza kapasete iha dalan publiku.

Hau haree, OPS monta ona iha suku balu. I buat neebe seidauk halo, sira seidauk hakbesik an ba eskola sira hodi fahe informasaun ba alunus sira konaba uza kapasete bainhira sae motor. Se deit mak uza motor tenki uza kapasete,” hateten Joni Viana iha ninia diskursu iha seminar konaba Konselu Polisia Komunitariu (KPK) no violasaun ba feto no labarik. Seminar nee halao iha Uma Dalen Vilha Nova Baucau, Kuarta (19/4/2017).

Nudar OPS, nia dehan, tenki buka hakbesik an ba eskola sira hotu iha Munisipiu Baucau hodi fahe informasaun bebeik ba eskola sira. Tenki esplika bebeik ba alunus sira. Karik OPS sira halo ona nia planu no estratejia hodi fahe informasaun ba komunidade no alunus sira iha eskola hot-hotu, ita bele fiar katak, ba futuru sei laiha tan konfliktus no krimi iha Munisipiu Baucau.

Hau fiar ba ami nia OPS sira iha suku. Karik iha ona planu no estratejia nebe diak iha suku idak-idak nebe monta ona polisia suku hau fiar katak ba future sei laiha problema no krimi iha fatin sira nee. Nunee mos husu ba polisia suku atu tenki ba fahe informasaun ba eskola sira konaba oinsa uja motor iha dalan publiku tenki uja kapasete,”nia dehan.

Komandante OPS Suku Oso-Una, Postu Administrativu Baguia, Aquelina Fernandes hateten, sira iha planu ona atu iha tempu besik sira sei fahe informasaun ba to eskola sira. Maibe premeiru sei buka hakbesik an ba profesores no diretores eskola sira iha postu Baguia nia atu bele esplika ba alunus sira uja motor uja kapasete no informasaun seluk atu bele prevene krimi labele mosu iha eskola.

Ami iha planu ona atu ba to iha eskola. Maibe premeiru tenki hakbesik an ba profesores no diretores eskola hotu nebe iha Postu Baguia nia. Atu fahe informasaun sira konaba oinsa uja dalan publiku tenki uja kapasete no oinsa maka prevene krimi iha eskola,”nia kualia.

Komandante OPS Suku Uailili, Postu Administrativu Baucau, Venancio Freitas mos dehan, sira iha planu ona atu hakbesik an ba eskola hotu nebe iha suku neba atu fahe informasaun no habelar informasaun nebe iha relevante konaba oinsa maka alunus sira bele uja dalan publiku ho motor tenki uza kapasete. I sei fahe informasaun konaba lei nebe iha atu bele prevene krimi. Est-4

Facebook Comments

Leave a Reply

Your email address will not be published. Required fields are marked *