SMD Husu Komunidade Tau Foer Iha Fatin

SMD Husu Komunidade Tau Foer Iha Fatin

- in Metro
193
0
Sampah

DILI- Saneamentu Munisipiu Dili (SMD) husu ba komunidade sira Kapital Dili tau foer iha fatin hanesa saku ka plastic, nunee lori ba tau iha fatin lixu neebe governu prepara ona nunee kareta SMD ba foti deit.

Hateten Xefe Departementu SMD, Domingos dos Santos Soriano ba STL iha nian knar fatin, Kinta (21/9/2017).

Domingos husu ba komunidade sira labele soer foer arbiru iha estrada publiku inklui labele soe fali foer bae ma seluk nia uma-oin, soe foer arbiru sei hamosu ambiente neebe lasaudavel.

Xefe Departementu SMD nee husu ba loja, restorante inklui imprezariu sira hotu neebe halo aktividade negosiu iha Kapital Dili karik iha transporte diak liu lori rasik foer sira nee ba soe iha Sentru Lixeira Tibar.

Nunee mos husu ba komunidade sira soe foer tuir oras nebe determina oan, hahu tuku 4.30 dadersan too tuku 07.00 dadersan liu husi tuku 07 ba leten too 18.00 (6.00) lorokraik bandu labele soe foer iha neebe deit.

Nunee mos fo hatenee ba komunidade sira katak iha loron Domingu no loron boot Nasional Timor Leste, labele fakar foer saida deit iha estrada publiku nunee mos iha uma oin. Ida nee bazea ba dikreitu lei numeru 33/2008 kona-ba Ijeni orden publiku no dikreitu lei numeru 51/2011 kona-ba aktividade negosiu. Nunee mos dikreitu lei numeru 2/2017 kona-ba residuos Solidos Urbanos.

Xefe Suku Becora Antonio da Silva Soares, hateten, nuudar autoridade lokal hamutuk ekipa SMD sempre fo hatene ba komunidade sira kona-ba soe foer iha fatin. Maibe, komunidade balun laiha konsensia, tan nee too agora kontinua soe foer arbiru deit. Hanesan soe iha mota-laran, iha estrada ninin inklui fatin publiku seluk.

Ho atetude ida nee bainhira tempu udan bainhira udan tau-rai foer sira nee bee lori tama fali ba bee-dalak ikusmai provu bee-dalak naktiba.

Prezidente Autoridade Munisipiu Dili (AMD), Gaspar Soares hateten, hahu husi tempu neebe aplika ona derkretu lei numeru 33/2008, ba ema neebe husik animal arbiru iha estrada publiku Dili laran, faan sasan iha trotoar bandu.

Maibe kona-ba sansaun seidauk aplika, agora governu kriatan dekreitu lei numeru 2/2017 kona-ba residos solidos urbanos. Lei nee sira sei halo sosialisazaun, bainhira aplika ona se-mak soe foer arbiru sei kona multa. Augusto da Costa

Facebook Comments

Leave a Reply

Your email address will not be published. Required fields are marked *