Situasaun TL Hakmatek

Situasaun TL Hakmatek

- in Notisias Online
212
0
Lere1

Editora: Carme Ximenes

 DILI – Xefe Estadu Maior Jeneral F- FDTL, Major Jeneral Lere Anan Timur hatete, maski mosu problema kiik balun neebe deskonfia kria husi grupu Arte Marsial, maibe enjeral, situasaun iha Timor Leste (TL) lao hakmatek.

Hatete Lere ba jornalista sira, bainhira remata enkontru ho Prezidente Republika Francisco Guterres Lú Olo, iha Palasiu Prezidente Nicolau LobatoSeguransa rai laran, ita bele dehan katak laiha buat ida neebe mak grave liu, babain ita koalia bebeik, se mak kria instabilidade Arte  Marsial, maibe loron hirak liu ba situasaun kalma oituan,” hatete Jeneral Lere.

Maski nunee Lere dehan, iha Laga (Munisipiu Baucau-red) mak semana ida liu ba grupu balu taa malu no duni malu, maibe  polisia atua ona.

Hau bele hatete katak, situasaun neebe mak ita sente inseguru iha ita nia rai laran, maski grupu kiik oan ida mak kria instabilidade, dehan Jeneral Lere.

Jeneral Fitun Rua nee mos, apela ba  grupu neebe lakoi ukun aan, atu kuidadu no labele provoka situasaun.

Hau apela deit ba grupu kiik neebe mak lakoi Timor nia indepedensia, lalika provoka bebeik situasaun, Jeneral Fitun rua nee hatete.

Nia hatete, parte seguransa hatene grupu sira neebe durante nee halo azitasaun liu husi midia sosial liu-liu Facebook, hodi trata lider sira. Too tempu ida parte seguransa sei toma posizaun, grupu hirak nee tenke responsabiliza.

Ema sira nee ami konese hela, se sira nafatin halo prepara para simu nia konsekuensia, nia hatete.

Jeneral Lere mos husu ba sidadaun hotu hotu, atu labele halimar ho nasaun nia soberania.

Timor Leste nasaun neebe mak livre, tanba nee  labele halimar ho nasaun soberania, nia dehan.

 Iha biban nee mos Lere  husu governu atu rekonese,  Arte Marsial nuudar organizasaun desportiva.

Husu ba governu  kontaktu  ho governu Indonezia, atu nunee haree arte marsial sira husi Indonezia, neebe agora barak iha ita rai laran laran, Jeneral lere akresenta.

 Iha fatin hanesan Prokurador Jeral Jose Da Costa Ximenes hatutan, kona ba kazu neebe mak akontese iha Munisipiu Baucau Iha Postu Administrativu Laga, entre joven sira neebe mak ataka malu oras nee nain ida tama ona prizaun preventiva, nain rua aprezentasaun preodika.

Kazu neebe mak akontese iha Laga iha grupu rua neebe mak ataka malu, hanesan Korka ho Kera Sakti nain tolu, ita kaer nain ida tama tiha prizaun preventiva, nain rua aprezentasaun preodika, pelumenus ida nee mak imformasaun jeral neebe mak hau informa ba ita boot sira, dehan PJR Jose.

Haree ba situasaun neebe mak lao iha rai laran Prezidente Republika Francisco Guterres Lú Olo mos hatoo parabens ba povu tomak, neebe mak hatudu nia maturidade neebe mak diak, hodi kria nafatin unidade no paz iha idak-idak nia fatin.

Aman Nasaun nee mos husu povu tomak, atu kontinua hakmatek nafatin iha idak-idak nia fatin hodi hein desizaun neebe mak PR sei foti.* Reportajen: Emerenciana Pinto

 

Komentariu

Facebook Comments

Leave a Reply

Your email address will not be published. Required fields are marked *