Situasaun Siguransa Elprez Kontrolado

Situasaun Siguransa Elprez Kontrolado

- in Metro
84
0
0013

DILI-Situsaun seguransa ba Eleisaun Prezidensial (Elpres) aktual iha Kapital Dili normalmentu lao kontrolado tanba, PNTL Munisipiu Dili nafatin garante siguransa too kontazem votus remata.

Dehan Segundo Komandante PNTL Munisipiu Dili Superintendenti Xefe Polisia, Euclides Belo ba STL iha Sentru Votasaun Eskolah 10 Setembru, Segunda (20/3/2017) hafoi observa situasaun siguransa ba Elprez iha Kapital Dili.

Normalmente situasaun siguransa elisaun iha Munisipiu Dili hahu husi tuku 7 dader too tuku 3 loraik lao diak no kontroladu,” katak Euclides.

Tuir Euclides katak, meske oras ba votante lapremite ona maibe lei hatete sira neebe oras nee iha ona lina laran tenki ezerse sira nia votus. Tanba nee PNTL nafatin garante siguransa ba sira neebe iha ona lina laran atu vota maibe ba sira tarde portaun taka ona pasensia labele vota.

Nia esklarese liu tan katak, PNTL garante siguransa, ami lainpon lei elisaun, tanba PNTL nia knar   garante deit siguransa tuir lei haruka. Nunee mos iha prosesu kontajen votus PNTL sei aumenta numiru membrus.

Diretor STAE Acilino Manuel Branco ba jornalista sira liu husi konferensia inprensa iha Edifisiu Nasional STAE Kaikoli Dili, Segunda (20/3/2017) katak, situasaun intermus votasaun lao diak tebes iha teritoriu tomak kada sentru votasaun hotu-hotu.

Tanba koordenasaun ho indetidade oin–oin asegura prosesu nunee lao diak teb-tebes seidauk rezista akontesementu ruma ke bele intrope prosesu iha terenu.

Nia hatutan, Prosesu nee tomak lao sussesu tamba kontribusaun husi intendade hotu-hotu hanesan autoridade lokais, siguransa liu–liu partisipasaun husi eleitores sira neebe mak konprova katak iha antusiasmu makaas.

Relasiona ho lamentasaun husi leitores sira relasiona ho limita tempu vota nian, Direktur STAE esplika katak tuir lei sentru votasaun hahu loke iha 07:00 Otl remata 15 : 00 Otl, nunee votantes neebe mak liu ona oras neebe determina tuir lei sei laezerse ona dereitu ba vota.

Iha lei no dekretu lei katak fungsionamentu sentru votasaun loke oras 07: 00 Otl dader too 15: 00 Otl, maibe konforme ba situasaun neebe akontese iha terenu, 15: 00 Otl offisial eleitor sei avizu ba eleitores sira atu tama iha lina formatura nunee bele ezerse dereitu, ba sira neebe mak iha ona lina laran sei kontinua ezerse nia dereitu mesmu liu ona 15:00 OTL” hatutan Alcino.

Autoridade lokal no komunidade sira koopera servisu hamutuk iha sentru votasaun, atu nunee bele kria paz no establidade iha sentru votasaun ida-idak.

Tuir observasaun STL iha Sentru votasaun eskola bazika filial Bairo-Pite loke iha tuku hitu dader, hetan seguransa masimu husi membru polisia nasional Timor-Leste.

Inklui mos Komandante Jeral PNTL, Komisariu Polisia, Julio Hornai no segundu komandante  PNTL, Komisariu Polisia, Faustino da Costa, kontinua halao patroluhu ba iha sentru votasaun iha kapital  Dili, hodi haree direitamente situasaun seguransa iha sentru votasaun ida-idak.

Tuir  Xefe Suku Bairru-Pite, Joao Baptista katak, situasaun seguransa ba Elprez iha area Suku Bairru-Pite lao normal, tanba seguransa nee laos polisia ho F-FDTL deit. Maibe, povu Timor-Leste, nomos autoridade hotu-hotu atu bele koopera ho PNTL no F-FDTL sira para bele halo seguransa diak iha rai ida nee.

Hau hanoin ita nia seguransa nee diak, tanba seguransa nee laos polisia ho F-FDTL deit, maibe povu TL nomos autoridade hotu-hotu atu bele koopera ho PNTL no F-FDTL sira para bele halo seguransa diak iha rai ida nee. Tanba nee, autoridade lokal, komunidade hamutuk ho PNTL bele koopera malu, atu nunee ita nia situasaun seguransa iha suku laran iha fatin votasaun bele lao diak no susesu nia laran.

Joao, akresenta, kada sentru votasaun iha polisia nain tolu, hodi koopera ho autoridade inklui komunidade sira neebe hela iha suku ida nee, neebe situasaun seguransa iha sentru votasaun ou iha suku Bairru-Pite ninia lao diak no hakmatek.

Nunee mos Mario de Jesus, hanesan komunidade iha suku Bairru-Pite hatete, hanesan komunidade, ami hakarak atu koopera ho ita nia autoridade lokal inklui autoridade seguransa ninia, para ita bele kria paz no establidade iha ita nia sentru votasaun, no joventude sira mai vota tiha, sira idak-idak bele fila fali ba sira nia uma.

“Ami hanesan komunidade, ami hakarak atu koopera ho ita nia autoridade lokal inklui autoridade seguransa ninia, ita bele kria paz no establidade iha ita nia sentru votasaun,”katak nian. Natalino Belo/ Jacinta Sequeira/Lucia Ximenes

Facebook Comments

Leave a Reply

Your email address will not be published. Required fields are marked *