Situasaun Seguransa Kulu-Hun Normal

Situasaun Seguransa Kulu-Hun Normal

- in Metro
2940
0
desputa

DILI – Relasiona ho situasaun politika rai-laran neebe akontese dadaun halo komunidade Munisipiu Dili parte balu situasaun manas. Maibe, situasaun komunidade Suku Kulu-Hun Postu Administrativa Cristu-Rei, Munisipiu Dili lao normal.

Tuir Xefi Suku Interino Kulu-Hun Dino Mario Do Rego, durante Parlamentu Nasional IV Lejislatura debate programa VII Governu Konstitusional hamosu situasaun seguransa iha Kapital Dili parte balu situasaun manas oituan maibe iha Suku Kulu-Hun situasaun lao normal.

Ami iha Kulu-Hun hamutuk aldeia hitu (7) sempre servisu hamutuk ho xefi suku no joventude sira no mos parte PNTL sira hotu. Tan nee laiha problema ida mosu iha suku laran,”dehan Dino ba STL iha Sede Suku Kulu-Hun, Segunda (23/10/2017).

Nia salienta liutan katak, durante nee husi Kulu-Hun komunidade sira sempre moris ho ambiente neebe paz no isntabilidade nee duni laiha problema maske iha Kapital Dili fatin balun situasaun manas oituan.

Iha fatin hanesan Nicolau dos Reis hateten situasaun Kulu-Hun diferente tebes ho suku sira seluk iha Dili laran. Maski nai-ulun sira halo debate iha PN ho ulun manas hotu, maibe ida nee problema sira nian ita povu hatene mak buka moris.

Ami iha Kulu-Hun hamutuk aldeia hitu mak hamahon-aan iha suku nee rasik maibe laiha problema ruma entre komunidade ho autoridade lokal sira,”katak Nicolau.

Nia hatutan katak Suku Kulu-hun rasik laiha problema entre komunidade ho parte autoridade lokal sira hanesan suku seluk, tanba netre juventude ho autoridade lokal   sempre servisu hamutuk.

Daniel Magno haktuir maski Sidade Dili situasaun manas maibe komunidade Kulu-Hun hatene maka buka moris lakoi mosu konflitus iha suku laran hanesan ho suku sira seluk iha municipio Dili.

Ami iha Kulu-hun servisu hamutuk ho parte autoridade suku Kulu-Hun hodi koalia kona-ba nai-ulun sira neebe maka debate besik semana ida maibe lasimu malu nafatin maibe husik ba ida nee problema sira nian,”katak Daniel.

Tuir nia katak, maski naiulun sira lafo liman ba malu maibe nuudar povu kiik labele mete partidu hodi oho malu no baku malu. Estajiada-2, 3,1. 

Facebook Comments

Leave a Reply

Your email address will not be published. Required fields are marked *