Situasaun Politika, Povu Sai Konfuzaun

Situasaun Politika, Povu Sai Konfuzaun

- in Politics
6607
0
opiniaun-profesor2_dner

DILI – Povu kontinua konfuzu ba situasaun solitika atual iha rai laran hodi hatene lolos ninia serteza no klareza, tanba ukun nain sira nafatin hadau malu poder.

Koodenador Assosiasaun Vitima 1974-1999 Atai Moniz hateten, agora nee laos povu kiik sira maka halo problema, maibe ukun nain ou ulun boot sira neebe hadau poder buat sira nee maka kria problema hodi halo povu sai konfuzaun.

Problema agora nee laos povu kiik sira nian, maibe ema boot sira nia interese hodi hadau poder, buat sira nee maka halo ita konfuzaun hela too agora, tanba ukun nain sira lakohi loke aan hodi halo dialogu,” dehan Atai Moniz, ba STL, iha Portu, Dili, Kinta (07/12/2017).

Nia dehan, tuir lolos ema boot nee maka edukativu, tanba sira nee maka matenek boot, hodi jere nasaun ida nee lao ba oin, maibe sira maka han malu, tanba deit poder entaun konsekuensia nee povu maka sei terus.

Tanba nee hau husu ba povu kiik sira atu hakmatek, labele pengaruh ho issu politika sira neebe maka lalori vantajen diak, ba ita idak idak nia aan,” dehan Atai.

Iha fatin hanesan Antonio Aitahan Matak hanesan komunidade hateten, agora dadaun ukun nain sira komesa bobar malu, tanba kuandu primeiru programa tama lei dehan lori fali ba fulan ida resin, maibe lori fali OR ba, depois ida seluk halo fali musaun de sensura, hafoin mosaun de sensura dehan retira musaun sesnura maka lori programa ba.

Ida nee ita hare sira hanesan bobar malu sorin maioria, no sorin monoria, entaun tenke kria debate para labele hamosu fali bubar malu iha neeba,” dehan Aitahan Matak.

Alende nee membru ONG Ajar Inocensio Xavier hateten “Nee maka konjuntura politika iha Parlamentu Nasional Mosaun Sensura neebe oposizaun halo kaer ba rejimentu neebe iha PN, karik ida nee maka fenomena politika ita hein desizaun neebe maka sei mai,” dehan Inocensio. Carme Ximenes/Maria Lay

Facebook Comments

Leave a Reply

Your email address will not be published. Required fields are marked *