Simu Basa, Lezada Lakohi Hadame Ho Vizinu

Simu Basa, Lezada Lakohi Hadame Ho Vizinu

- in Nasional
238
0
Tribunal

DILI- Lezada ho inisial MF lakohi hadame ho arguiu AJ, tanba basa dala ida, ba iha lezada nia hasan. Tanba nee liu husi tentativa konsiliasaun, lezada lakohi dada fila krime nee, maske nia natureza semi publiku.

Antes atu tama ba iha julgamentu, tribunal hare ba krime nee, nia natureza semi publiku lei fo dalan atu dada fila, tanba nee iha konsiliasaun, juis prosesu husu ba lezada, aseita bele dada fila krime, maibe lezada harak levanta ba oin.

Tribunal rona tiha husi lezada, tribunal kontinua halo julgamentu ba kazu nee, tanba lezada lakohi dada fila.

Tuir akuzasaun neebe tribunal lee sai husi Ministeriu Publiku katak, iha loron 3 fulan Fevreru 2017 oras tuku iha Sub Distritu Nain Feto, mosu diskusaun ida entre lezada MFS nia oan, ho arguidu ho inisial AJ iha senhor FD nia uma oin.

Iha momentu neeba mosu hela diskusaun lezada iha hela uma, rona ema halai ba hare, lezada mos tuir ba atu bele atu saida maka akontese iha neeba.

Konsekuensia husi arguidu nia hahalok, halo lezada sente mora iha hasan, maibe hemu deit ai moruk, la lori ba konsulta iha hospital.

Arguidu AJ hanesa autor material ba krime ofensas integridade fizika simples neebe previstu no punidu iha artigu 145kodigu penal.Hatan ba akuzasaun nee, arguidu deklara katak faktus balu loos, balu lalos.

Iha momentu neeba hau diskuti malu ho lezada nia oan mane, laos ho lezada ida, tanba dader hau lao mai hau foin tafui kaben, lezada nia oan mane dehan fali hau tafui kaben ba nia, ami rua diskuti malu hela mak lezada sira mai. Maibe iha momentu neeba, hau la basa took lezada ida, ”dehan arguidu iha sala audensia.

Deklara tan, momentu neeba iha ema barak nia oin, tanba nee arguidu la basa took lezada ida, maibe arguidu diskuti malu deit ho lezada nia ona.

Iha fatin hanesan lezada deklara tan, arguidu basa duni nia, tanba iha ema barak nia oin, ema mos hare hotu.

Rona tiha deklarasaun nee, tribunal husu ba Ministeriu Publiku atu submete ba iha alegasaun. Terezinha De Deus

Facebook Comments

Leave a Reply

Your email address will not be published. Required fields are marked *