Sidadaun Iha Rai Liur Tuir EA, Hein Exporta Material

Sidadaun Iha Rai Liur Tuir EA, Hein Exporta Material

- in Nasional
92
0
Eleisaun

DILI– Preparasaun ba votasaun eleisaun antisipada ba sidadaun iha rai liu kuaze kompleta ona, hein exporta deit material.

Tuir Diretor Jeral Sekretariu Tekniku Administrasaun Eleitoral, Acilino Manuel Branco hatete, preparasaun  ba rai liur kuaze kompleta ona, agora hein deit para atu halo exportasaun. Sidadaun sira neebe iha rai liur atu tuir eleisaun nee, iha nasaun 4 hanesan Portugal, Australia, Corea no Inglatera.

Agora hein deit funsionariu diplomasia sira iha rai liur atu mai iha Dili, tanba tuir lei sira mak sei prezide prosesu votasaun, fo ona informasaun ba sira atu too iha Dili dia 1 agora, hodi tuir formasaun loron  2 too dia 4, sai hamutuk ho tekniku Stae no ekipa CNE  para lori material sira ba liur. Depois sei halo mos formasaun ba ofisial eleitoral ba sidadaun sira neebe atu ezerse sira nia direitu iha votasaun,” katak Acilino ba STL Segunda ,(23/04/2018), hafoin partisipa enkontru governu TL ho embaixada Xina iha Palacio Governu.

Nia dehan, iha nasaun  4 nee Inglatera maka aumenta tan sentru votasaun, tanba  rezultadu husi resensiamentu nee iha numeru neebe mak boot, neebe sei aumenta sentru votasaun.

Nunee mos Diretor Consular MNEC, Celio Moniz hatete, Agora dadaun sidadaun Timor oan neebe iha rai liur hanesan Corea, Inglatera, Australia no Portugal agora dadaun preparasaun lao hela atu nunee sidadaun sira bele ezerse direitu iha eleisaun. Notisia kompletu lee iha jornal STL edisaun Kuarta (25/04/2018). Guilhermina Franco

Facebook Comments

Leave a Reply

Your email address will not be published. Required fields are marked *