Sidadania Max Stahl, Votus Unaminidade

Sidadania Max Stahl, Votus Unaminidade

- in Nasional
35
0
images (3)

DILI-Parlamentu Nasional (PN), fo votus unaminidade ba Jornalista Senior, Max Stahl Max Stahl   neebe hetan ona atribuisaun nuudar sidadania Timor oan tanba  kontribuisaun ba Timor Leste nia ukun aan.

Atribuisaun sidadaun ba Max Stahl ho votus afavor 48, kontra 0, abstensaun 0 liu husi proposta projetu de rezolusaun numeru 46/V (2ª) aprezenta husi deputadu sira hodi ­atribui nasionalidade Timor oan ba Max Stahl sobre aktus relevante, servisu neebe Max Stahl presta ba Timor Leste.

Projetu de rezolusaun nee ho proponente sira hatoo ba meza no halo ajenda ba plenariu Tersa (10/12/2019),  Sekretaria meza PN halao leitura ba proposta rezolusaun, nunee iha diskusaun husi deputadu  sira no Prezidente PN Arão Noe sub-mete kedas ba eleisaun.

Liu husi votasaun direta, maioria deputadu sira fo votus unaminidade nunee Prezidente PN Arão Noe dehan ho rezultadu nee signifika PN aprova ona projetu de rezolusaun numeru 46/V (2ª).

Iha intervensaun Deputadu PD Antonio da Conceicão hanesan mos proponente ba proposta projetu de rezolusaun hatete, PN hakarak fo rekonesementu ba rensidade neebe hatudu husi Max Stahl ba kauza maubere nia ukun rasik aan, no mos  aktu rensidade neebe mak Max Stahl hatudu  baTimor Leste iha momentu sai hanesan provinsia taka metin hela informasaun ba rai liur nian.

Nia dehan, ho Max Stahl nia aktu rensidade ida nee halo TL sai nakloke liu tan hodi bele hatudu ba mundu hahalok brutalizmu, barbaliadade neebe militar Indonezia halo hasoru juventude Timor oan laiha kroat iha liman, maibe halo asaun pasifika hodi defende direitu umanus neebe konsagra iha Indonezia nia undag-undang rasik.

Hau hanoin TL nia previleziu atu bele hetan mos ema hanesan nee. Hanesan mos propontente no deputadu hakarak fo TL nia apresiasaun aas, ba aktu umanizmu neebe hatudu husi Max Stahl nian, tenik Deputadu PD nee.

Tuir Antonio katak, nia hamutuk ho deputadu propontente sira seluk, hakarak subs-kreve hodi partidu PD nian naran ba propozitu nee atu halo atribuisaun sidadania ba Max Stahl.

Nunee mos Deputadu Abel Pires husi Bankada PLP hatete, nia parte suporta tebes projetu rezolusaun ida nee, tanba Max Stahl nia kontribuisaun ba rai nee boot tebes. Maibe hakarak bolu atensaun ba katak presiza tetu no hare sidadaun estranjeirus seluk iha sira nia vida tomak, entrega ona ba Timor nia kauza ba ukun rasik aan.

Entretantu Deputadu Bankada Fretilin Marito Mota hatete, semiteriu Santa Cruz halo misa omenajen ba Sebastião Gomes, iha neeba tanba nia mate iha dia 28, depois hakoi iha 30, nunee liu loron 12 mak halao manifetasaun pasifiku laos naran mosu.

Atu fo hanoin mos ba ita katak laos deit Max Stahl, maibe desde 1975 jornalista Australiano nain 5 neebe mak fo nia vida ema Indonezia oho iha Balibo, hatete Mota.

Tuir nia, prosesu nee tomak aleinde apoiu masimu husi igreza, i problema nee lao too 1999, akontese iha Kuluhun iha mos jornalista ida tan hetan kanek, neebe presiza atendementu ba jornalista sira nia kontribuisaun momentu okupasaun husi Indonezia.

Entretantu PPN Arão Noe informa, kuandu Prezidente Republika atribui medalla ba Max Stahl, iha semana ba kotuk antes komemorasaun loron 28 Novembru Prezidente mos solusita ba PN bele atribui sidadania ba Max Stahl ba nia kontribuisaun durante hela iha Timor. “Kona ba naran sira neebe deputadu sira temin katak iha mos jornalista sira seluk nia kontribuisaun nee, ita bele konsidera depois haree oinsa prosesu para bele halo atribuisaun mos sidadania ba sira se sira prense rekezitus tuir ei neebe kona ba sidadania,” hatete PPN.

Arão relata, iha lei ida oinsa atu halo atribuisaun sidadania neebe koalia iha artigu ida deit kona ba asuntu nee, tanba iha arigu 13 katak autorizasaun por altu  levanta servisu, Parlamentu Nasional bele konsidera nasionalidade Timor oan ba sidadaun estranjeirus neebe mak iha prestasaun servisu ba Timor. Guilhermina Franco

Komentariu

Facebook Comments

Leave a Reply

Your email address will not be published. Required fields are marked *