SFT Kapasita Formadus 3350

SFT Kapasita Formadus 3350

- in Economics
250
0
opiniaun-profesor2_dner

DILI – Sentru formasaun Tibar (SFT) kapasita ona formadaus 3350 no hetan sertifikadu, neebe husi numeru ida nee, kuaze formadus 70% hetan ona servisu.

Tuir Diretur Sentru formasaun Tibar, Simao Tito Barreto katak, sentru formasaun Tibar kapasita ona formadus 3350 resin maka hetan ona sertifikadu, total formadu sira nee kuaze 70% maka hetan ona servisu permanente, no 30% nee servisu ona maibe sei kontratadu hela bazeia ba projetu.

Hau hanoin dadus husi 70% neebe hetan ona servisu nee, mai husi graduadu 3350 no hela deit 30% maka seidauk servisu maibe sentru formasaun halo nafatin esforsu atu nunee formadu sira nee bele hetan hotu servisu,”informa Diretur Centru formasaun Tibar, Simao Tito Barreto, ba STL Tersa (14/03/2017) iha Timor Plaza.

Nia mos informa liu tan katak, tinan ida nee sentru formasaun halo ona eskrisaun hodi simu alunus foun 250 ba nivel 1, no fulan ida nee formadu sira neebe remata ona iha nivel II sei simu sertifikadu, formadu sira neebe atu remata nee, iha area konstrusaun sivil, agrikultura nomos Hospitalidade.

Iha parte seluk Reprezentante povu iha Uma Fukun Parlamentu Nasional, Deputada Brigida Correia hateten, governu liu husi SEPFOPE establese ona Sentru formasaun iha fatin-fatin hodi aumenta joven sira nia skill hodi hola parte iha merkadu traballu.

Ita hare mentalidade Timor oan sira nian hahu hatudu dadauk ona, liu husi halo postu Polisia nian iha Dili laran laran, ho nia kualidade diak tebes, tan nee joven sira tenke esforsu aan hodi tuir formasaun iha fatin neebe maka governu establese ona tanba, atu hetan servisu, presiza ita nia kapasidade no konesementu konaba area refere,”informa Deputada nee.

Nunee mos Deputadu Manuel Salsinha mos hateten, liu husi Sentru formasaun sira neebe maka SEPFOPE loke nee, Timor oan barak maka hatudu dadauk ona sira nia talentu iha rai laran, no barak maka ba servisu ona iha ema nia rai hanesan Korea ho Ausralia, nee hatudu katak Timor oan sira mos buka atu aprende buat ruma, iha rai laran nomos rai liur. Madalena Horta

 

Facebook Comments

Leave a Reply

Your email address will not be published. Required fields are marked *