Setor Privadu Husu Banku Hatun Jurus

Setor Privadu Husu Banku Hatun Jurus

- in Economics
610
0
monitoramento-da-dengue-setor-privado-empresas

DILI-Setor privadu rai laran nafatin husu banku atu hatun jurus tanba, jurus neebe maka banku fo agora nee 11% nee boot tebes, no la fo vantajen ba setor privadu atu asesu ba kreditu.

Kestaun nee fo sai husi Prezidente Camara Comersiu Industria TL, CCI-TL, Oscar Lima ba STL Segunda (18/09/2017) iha nia knar fatin Akait.

Ami husu nafatin ba banku atu hatun jurus ba setor privadu rai laran, tanba jurus neebe banku fo agora nee aas tebes (11%) ida nee sei la fo vantajen ba setor privadu, se bele banku hatun jurus ba 6% atu nunee bele asegura setor privadu sira hodi halo kompetisaun iha merkadu,”informa Oscar Lima.

Nia mos haktuir tan katak, karik banku fo nafatin jurus ida aas hanesan nee maka, setor privadu sira sei la barani atu asesu ba kreditu, tanba haree ba ninia vantajen ba setor privadu sira laiha tan nee husu, atu hatun jurus ba setor privadu.

Iha parte seluk Prezidente Uniao Nasional Apoiu Pequena Empreza (UNAPE), Francisco Lay hateten, setor privadu sira labele lao ba oin tanba, sei hasoru hela problema boot ida konaba asesu ba kreditu.

Banku neebe eziste iha rai laran hahu loke odamatan ba setor privadu sira atu asesu ba kreditu, maibe problema boot ida maka jurus neebe banku fo ba setor privadu boot tebes, se bele halo redusaun atu nunee bele fasilita diak liu tan atividade setor privadu sira nian iha rai laran,”informa nia.

Hatan ba preokupasaun nee, Prezidente Board, Banku Nasional Komersiu Timor Leste, BNCTL, Brigido de Souza hateten, preokupasaun sira nee banku bele haree, maibe desizaun hotu hotu nee iha Banku Central nia liman, karik sira hasai despaixu atu hatun jurus maka, banku sei hatun tanba nee banku labele foti desizaun mesak, sekuandu laiha autorizasaun husi Banku Central. Madalena Horta

Facebook Comments

Leave a Reply

Your email address will not be published. Required fields are marked *