Setimu Governu Tau Atensaun Estrada Viqueque

Setimu Governu Tau Atensaun Estrada Viqueque

- in Distritu
651
0
Estrada

UATULARI – Komunidade Suku Afaloicai Postu, Administartivu Uatulari, Munisipiu Viqueque lamenta tebes Estrada diresaun husi Baucau ba Viqueque ho kondisaun neebe mak grave tebes hodi kuak ba mai hodi difikulta tebes ba movimentu transportes Publikus no privadus.

Preokupasaun neebe maka ami povo kiik infrenta iha Munisipiu Viqueque maka Estrada tanba saida maka hau dehan Estrada, tanba Estrada nee aat total motorizada halo movimentu ba mai susar tanba kuak ba mai hahu husi Ossu ba iha too iha Postu Administrativu Uatulari no Uatucarbau,” dehan Salvador Da Costa Soares nuudar komuniade ba STL, iha suku Kuluhun, Kinta (07/09/2017).

Nia hatutan, estrada importante tebes ba povu kbiit laek sira atu bele faan produtu local iha merkadoria husi nivel munispiu too iha nasional, Estrada la diak difikulta tebes trasportes publikus no privadus. Maske nunee, Estrada aat tiha ona maibe laiha atensaun husi Primeiru governu too Sestu Governu tanba nee husu ba iha setimu governu atu bele tau matan no lolo netik liman ba Estrada Viqueque.

Tanba nee, husu ba iha governu foun atu tau atensaun no taka Estrada neebe att husi munispiu ba postu admistrativu to iha area rural atu labele difikulta movimentu transpostes komunidade sira uja transporte ba mai ho diak tanba komunidade uja Estrada ladun seguru.

Iha sorin seluk komunidade Paulino Soares Lopes katak iha Munisipiu Viqueque Postu Administrativu Uatulari ninia preokupasaun mak hanesan bee mos, estrada, eletrisidade. Tanba durante nee, iha komunidade balun seidauk asesu ba eletrisidade, bee mos no liliu Estrada neebe mak liga husi Dili ba Viqueque.

Komunidade 10% mak sei hakilar hela ba eletrisidade mak hanesan Iraler, Uelakurata, Oloso Bubulita, Edemumu no Estrada iha munispiu Viqueque no postu admistrativu rasik,” dehan Paulino.

Tanba nee, husu ba governu foun liu-liu Partidu Fretilin neebe maka oras nee dadaun nain ba governo persija tau atensaun ba komunidade sira iha area rural sira, atu nunee sira mos hetan dezenvolvintu liu husi estrada, bee mos no seluk tan. Emerenciana Pinto

Facebook Comments

Leave a Reply

Your email address will not be published. Required fields are marked *