SERVE Detekta Fasilitador Kompania Internasional

SERVE Detekta Fasilitador Kompania Internasional

- in Economics
7875
0
Xineza

DILI-Servisu Verifikasaun Emprezarial (SERVE), detekta ona ema neebe servisu ihaMinisteriu balun, durante nee sai hanesan fasilitadorbakompaniaInternasional sira atu hetan lalais lisensa legal.

Diretur Ezekutivu Florencio Sanches hateten, durante nee iha kompaniaInternasional no nasional lubuk ida maka mai rejistu iha SERVE, hodi loke sira nia investimentu iha rai laran, maibe iha kompania ema iha Ministeriu maka mai hamrik iha nee hodi rejistu tanba nee SERVE sei buka tuir semak sai nain lolos ba kompania refere nee.

Ami iha numeru neebe la boot maibe, iha katak nain lolos ba kompania A ou kompania B nee laos ema neebe mai rejistu iha SERVER maibe, ema seluk tanba nee, ita bele dehan ema balun sai hela kurtina ba kompania balun tan nee SERVER sei buka tuir nain lolos nee se,”dehan Diretur ezekutivu SERVE ba jornalista Tersa (10/10/2017) iha nia knar fatin Matadoro.

Nia mos informa liu tan katak, durante neekompaniaInternasional ho nasional barak maka loke sira nia investimentu iha rai laran, maibekompania hirak nee mai rejistu iha SERVE laos nain lolos maka mai, maibe iha fali ema hosi Ministeriu balun maka mai aprezenta hodi halo rejistu iha SERVE, hodi dehan sira maka nain ba kompania ida nee, maibe tuir analizasaun katak ema neebe mai iha nee laos nain ba kompania refere no ema nee hanesan kurtina ba kompania.

Haree ba problema nee SERVE promete iha futuru mai sei haree hodi indentifika se maka nain lolos ba kompanianeeberejistu iha SERVE, kuandu detekta maka SERVE sei foti asaun hodi hasoru tanba uluk SERVE implementa lei tuan katak, kompania ida bainhira nia rejistu iha SERVE nia tenke ho ninia, administrador nee,nia sei hela iha timor, maibe ho lei foun neebe implementa dadauknee sei evita kompania hirak neeberejistu ona iha SERVE tenke, hatudu reprezentante legal atu nunee bele hatene hodi responsabel bainhira ema ruma halo sala iha kompania reprezentante maka tenke responsabiliza.

Iha Timor Leste akontese ona iha ema balun reprezenta instituisaun estadu, mai iha SERVE rejistukompaniaInternasional sira katak Timor oan mak sai fali nain,”dehan nia.

Tuir dadus neebe maka iha SERVER katak durante nee, ministeriuneebehalo koopera diak ho SERVE mak hanesan, MAP,Obras Publika no Ministeriu Turismu (MT), maibe Ministeriu seluk nee laiha kooperasaun diak ho SERVER, tanba nee SERVE hakarak regula,kompanianeebe tama mai halo investimentu iha rai laran tenke evita tau Timor Leste iha sira nia kompania.

Tanba tuir lei ho artigu 37 hosi dekretu lei 35/2012 fo dalan ba kompania sekarik sira uza naran Timor Leste iha sira nia kompania, kuandu sira halo krimi ruma entau, estadu TL maka lori todan no halo naran foer, tanba nee ba futuru SERVE prevene ona atu naran Timor Leste nee kompania Internasional sira labele mosu tan iha kompania Internasional nia kompania.

Iha parte seluk Domingos Magalhaens hanesan Setor Privadu hatutan, setor privadu sente preokupa tanba, kompania Internsional sira nee balun foin mai Timor loron rua tolu hetan ona lisensa husi SERVER ho MCIA, no bain hira sira iha Timor semana ida maka, sira nia atividade nee lao hahu lao ona, tanba lisensa neebe sira hetan nee lalais, afinal iha ema balun neebe servisu iha Ministeriu maka sai fasilita ba ema estranjeiru sira nee.

Hau hanoin Timor oan sira lolos nee labele halo buat sira hanesan nee, tanba ita sai fasilitador maka ema nee, maju ba oin maibe ita Timor oan maka nunee ona, diak liu labele finjindu sai nain ba kompania Internasional maibe, haree maka ita nia servisu, tanba ita sai ona fasilitador ba ema maka sei loke dalan ba ema, atu domina iha ita nia atividade hotu hotu tan nee husu tenke investiga,”informa nia.

Nia mos informa liu tan katak, Timor oan balun gosta sai fasilitador ba ema estranjieru, liu liu fasilita ema atu hetan lalais lisensa, maibe sira la hatene katak ema kuandu domina iha rai laran maka, aban bain rua ekonomia neebe lao iha TL nee sei domina ema estranjeiru, no Timor oan nafatin sai penontong, no hasae dezempregu iha rai laran lolos nee labele akontese hanesan nee. Madalena Horta

Facebook Comments

Leave a Reply

Your email address will not be published. Required fields are marked *