Sentru Votasaun Lakondis Ba Defisiente

Sentru Votasaun Lakondis Ba Defisiente

- in Metro
331
0

DILI – Sentru vorasaun ladun kondis ba ema defisiente hodi ejerse sira nia diretu atu vota, tanba nee sira preokupa atu asesu ba vota, maibe hanesan Timor oan, sempre buka nafatin dalan alternativu hodi vota maski loro manas, laiha kursi roda, inklui rampa no handrer ba sira.

Kestaun nee hatoo husi Defisiente Mafalda Fernandes Gusmao husi organizassaun East Timor Blane uniaun (ETVU) hatete, haree ba situasaun no kondisaun ril neebe mak iha fatin sentru votasaun neebe mak mai halao votu ba nee, ladun kondis ba ema defisiente sira atu uza tanba laiha asibilidade.

Hau koalia laos tanba protesta, maibe ami mos komprende katak fatin votasaun nee iha eskola publiku, nebe laiha asesibilidade ba maluk defisiente entaun susar ba maluk defisiente sira neebe problema ho fiziku no matan hodi asesu ba sentru votasaun, presiza ema ruma atu bele ajuda,” katak Mafalda ba STL iha sentru votasaun Eskola Bazika Filial 1,2 Tuana Laran, Segunda (20/03/2017).

“Fatin lakondis ba ema defisiente, tanba haree ba iha kadeira rona labele tama, no mos laiha rampa ba ema difisiente fiziku sira, nomos laiha handrer para ami sira neebe problema  matan atu kaer hodi tama ba iha sentru votasaun, atu ezerse  ami nia direitu,”tenik nia.

Ho votus neebe mak sira defisiente fo nee, bele halo buat ruma, tanba dehan katak Suara Rakyat Adalah Suara Tuhan neebe fiar katak povu nia lian sei sai buat diak ba nai ulun sira atu ukun nasaun ida nee.

Haree ba fatin ladun kondis nee, sira mos lafo sala ba iha STAE no CNE, maibe dalaruma tanba CNE ho STAE ladun iha servisu neebe diak entre ema defisiente nomos seidauk inklui ema defisiente atu nunee bele foti desizaun ruma atu haree fatin neebe mak asesivel ba ema defisiente,” tenik nia.

Husu ba kandidatu sira karik ida eleitu bele haree nafatin ba defisiente sira, tanba sira mos iha deireitu atu involve aan iha aspetu saida deit hanesan ho ema seluk, dala barak mos ema sei haree defisiente ho deit matan sorik katak sira labele halo buat ruma, maibe ohin loron sira defisiente partisipa iha eventu oin-oin, neebe labele halo deskreminasaun, tenke kria estabilidade iha nasaun ida nee nia laran.

Nunee mos Defisiente Jacinto Gusmao, hanesan sidadaun Timor oan dehan ohin tuir vota atu determina prezidente iha nasaun ida nee ba tinan 5 nia laran, husu ba kandidatu sira karik eleitu tenke tau nafatin preoridade ba ema defisiente iha Timor.

Haree ba kondisaun ho situasaun nee sira mos fo oportunidade ba defisiente sira atu bele tuir votasaun nee ho diak.

Entretantu Administrador Postu Administrativu Vera Cruz  Octavio Vieira Amaral hatete katak ema defisiente sira nee no ferik katuas, inan isin rua, no oan nurak mai, fiskais sira haruka forma tama uluk, mezmu iha fatin neebe ladun mahon, maibe ba sira neebe mak kondisaun isin rua, defisiente, no oan nurak sira sempre forma hodi vota uluk. Guilhermina Franco

Facebook Comments

Leave a Reply

Your email address will not be published. Required fields are marked *