Sentru Formasaun Aposta Kualidade, Edefisiu Laresponde Ona

Sentru Formasaun Aposta Kualidade, Edefisiu Laresponde Ona

- in Politics
45
0
CENTRO_E_FORMACAO_JURIDICA_07

Dili- Sentru formasaun estabelese atu produs formados sira iha area Juis Prokurador, Defensor no Advogadu ho kualidade, tanba nee presija mos iha edefisiu diak, maibe edefisiu ida agora nee, la responde ona ba nesessidade.

Lia hirak hatoo husi Diretor Sentru Formasaun Juridiku e Judisiariu, Antonino Gonçalves ba STL iha nia knar fatin Caicoli, Kuarta (12/12/2018).

Agora nee aposta kualidade, sentru formasaun lakohi hola risku atu hasai ema husi nee, ka husik ema husi nee ba iha Tribunal, para ema kritika desizaun la diak, la iha kompetensia. Tanba nee sei hare didiak, atu sai husi sentru formasaun ho kapasidade neebe diak, ”dehan Antonino.

Diretor nee dehan, atu aposta ba iha kualidade, presija mos iha edefisiu neebe diak, atu formados no formador sira utiliza, hodi tuir formasaun.

Nunee husi nia parte, husu ona ba iha terras e propriedade katak, moru neebe agora dadaun iha hela, tenke baku ba iha oin. Tanba edefisiu agora, la responde ona nesesidade sentru formasaun nian.

Salienta tan, agora dadaun fatin la dun diak, ema neebe halao servisu tur hamutuk deit, hautudu katak privasidade la iha, tuir lolos tau formador sira iha ida idak nia fatin, atu halao sira nia servisu.

Tuir observasaun STL nian nota katak, sentru formasaun komesa halo ona selesaun rigorozu ba iha formados ba iha kareira Advogadu Privadu nian. Tanba iha formados nain neen, maka la passa ona iha ejame ikus. Informasaun kompletu iha STL Jornal, edisaun, Sesta (14/12/2018). Terezinha De Deus

Facebook Comments

Leave a Reply

Your email address will not be published. Required fields are marked *