Sente Tauk, Sasin Desmaia Iha Tribunal

Sente Tauk, Sasin Desmaia Iha Tribunal

- in Notisias Online
1037
0
TDB

DILI-Testamunha Jose Guterres tauk too desmaia iha sala audensia laran, bainhira atu fo deklarasaun ba iha tribunal.

Liu husi audensia julgamentu sasin Jose Guterres desmaia iha sala audensia laran tanba tauk ho Tribunal. Nunee tribunal suspende hikas julgamentu nee ba fali loron seluk. Testamunha refere tribunal notifika atu fo nia deklarasaun ba kazu krime droga, branquementu kapitais no fraude fiscal neebe deskonfia komete husi arguidu Natalino Andries Tanjung (Riky) nudar patraun ba kompania Andira Motor Lda no Melani Salim Kang, nudar patraun ba kompania Sun Internasional Group neebe Ministeriu Publiku akuza iha 2015.

Iha biban nee tribunal konsege rona sasin Angelina Ricardina Amaral katak, nia konese arguidu nain rua. Arguida Melani nudar nia patraun ba kompania neebe nia servisu ba. Nia toma konta administrasaun desde iha 2010 hodi sura osan galon nian neebe fornese husi kompania nee. Tanba nee nia so hatene deit kona ba osan galon nian neebe kada loron ida hetan osan $400, maibe kona ba seluk tan nia la hatene.

Nia hatutan, nia konese arguidu Riky tanba sempre ba troka osan rahun iha kompania neebe nia servisu ba. Maibe bainhira nia ba hasoru malu ho arguida Melani deit.

Audensia nee preside husi juiz kolektivu, juiz Jose Maria de Araujo, Fransisca Cabral no Maria Solana. Ministeriu Publiku reprezenta Prokuradora Lidia Soares no arguidu nain rua hetan assistensia legal husi defensor publiku Sergio Quintas no Advogada Adelina Melop. Informasaun kompletu iha STL Jornal no STL Web, edisaun Kinta (29/9/2016). Domingas Gomes

Komentariu

Facebook Comments

Leave a Reply

Your email address will not be published. Required fields are marked *