Seminariu Nasional Implementasaun CTI

Seminariu Nasional Implementasaun CTI

- in Edukasaun
39
0

DILI-Ministeriu Ensinu Superior Siensia no Kultura (MESSK), liu husi Komisaun Nasional Timor Leste ba UNESCO (KNTLU), realiza seminariu nasional, konaba implementasaun Ciensia Teknolojia no Inovasaun (CTI), iha Timor Leste (TL).

Tuir   Sekretaria  Ezekutiva Komisaun Nasional  Timor Leste ba UNESCO, Cedelizia dos Santos, hatete, workshop loron rua nee, ninia  objetivu  forma komite ida, haree ba politika siensia teknolojia no inovasaun ninia.

“Ami esperansa katak, workshop loron rua it abele produs rezultadu  sesim komite nee bele servisu hamutuk, no laos ba parte ensinu superior deit, maibe mai husi entidades hotu-hotu, neebe mak ninia servisu ligasaun ba siensia teknolojia no inovasaun. Depois workshop loron rua nee, ita sei produs ninia rezultadu tau ba relatoriu ida, planu ba oin, ita hanoin katak, sei iha instituisaun balun neebe mak presiza tebes atu fo treinamentu iha area ida nee, UNESCO liu mos husi UN banku sentral nian, sei fo apoiu mos ba area sira nee hotu,”dehan Cedelizia ba jornalista iha edifisiu Ministeriu das Finansas Aitarak Laran Dili Kuarta (24/07/2019).

Nia sublina, partisipantes sira neebe partisipa iha worshop loron rua nee, mai husi Ministeriu Negosiu Estranjeirus, Edukasaun, Ensinu Superior, ONG Internasional no nasional, universidade.

Nunee mos Reprejentante Ministru Ensinu Superior Siensia no Teknolojia, atual Sekretariu Estadu Arte no Kultura, Teofilo  Caldas, hatete, ohin mai reprejenta Ministru Ensinu Superior, hodi halo abertura ba workshop siensia teknolojia no inovasaun.

“Ita boot sira hatene katak, asuntu rua nee importante, tanba ita koalia konaba siensia no teknolojia, iha mundo tomak, oras nee teknolojia avansadu, entaun ita Timor mos ukun aan tinan 17 ona, ita mos labele lakon mundo globalizasaun, liu-liu teknolojia neebe oras nee ita mos koko iha TL, ita mos tau importansia, liu-liu atu garante kualidade ba ensinu superior sira hotu, tantu publiku no privadu, tanba ita hakarak kualidade neebe mak diak ba future,”dehan nia

Iha fatin hanesan, Reitor UNTL, Francisco Miguel Martins, ohin iha workshop konaba siensia teknolojia no inovasaun, oinsa mak mai aprende liu tan, tanba aprendizajen nee nunka atu para iha fatin.

“Hau hetan konvite husi UNESCO, atu bele mai partisipa iha workshop ida nee, tanba eventu ida nee konaba siensia  teknolojia no inovasaun, eventu ida hanesan nee, lori Timor nee ba mundu, ita mos partisipa, nudar ensinu superior neebe tenke dezenvolve siensia  no teknolojia inovasaun, ida nee importante tebes ba universidade, atu bele elaba ninia kualidade ba prosesu dezenvolvimentu siensia no teknolojia,”dehan nia. Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *