Semana Nee, Aprezenta Duodesimu

Semana Nee, Aprezenta Duodesimu

- in Politics
139
0

Editor: Godinho Barros

DILI- Ministeriu Finansas (MF) tuir planu semana nee sei aprezenta rejime duo-desimu, ba Konselu Ministru (KM) atu hola desizaun, distribui ba instituisaun estadu.

Rejime duodesimu horsehik Segunda red, mai tiha audensia, neebe semana nee sei aprezenta ba KM (konsellu ministru), i KM halo desizaun mak foin distribui ba instituisaun estadu, dehan Ministra Finansas Interina, Sara Lobo ba Jornalista bainhira halo audensia ho komisaun C iha PN, Segunda (06/01/2020).

Sara Lobo rejeita mensiona  montante orsamentu duo-desimu, tanba sei hein atu aprezenta ba KM.

Nia hatutan aprezenta duo-desimu ba KM para deskute uluk hodi koloka ba kategoria lima, nee konsidera hotu ou iha kategoria balu la konsidera tan nee hein aprezenta ba KM iha Kuarta nee.

Esperensia tinan kotuk katak Sara Lobo, kategoria neebe konsidera iha rejime duo-desimu salariu bensimentu, bens de servisu, transferensia publikas, kapital dezenvolvimentu, kapital  menor  exklui tanba nee kompras de bens neebe mak tenke hein orsamentu aprova.

Nia informa katak, previzaun atu uza orsamentu duo-desimu, depende ba dinamika diskusaun orsamentu 2020 nian, tanba plenariu  audensia, jeneralidade no espesialidade lori fulan tomak, depois sub-mete ba Prezidente Republika (PR) iha inisiu Fevereiru no PR mos iha fulan ida atu hare, tanba nee bele iha Marsu-April.

Sara Lobo relata depois PR promulga tenke hare nia sistema halo preparativu nee bele lori  tempu oituan too Marsu ou Abril.

Nia haktuir  lei hatete katak kuandu orsamentu jeral estadu seidauk tama evijensia, lei fo dalan atu bele utiliza rejime duo-desimu, neebe rejime duo-desimu nee osan define husi tinan kotuk.

Nunee mos Deputadu PD, Adriano do Nascimento dehan MF atu aprezenta rejime duo-desimu, laiha dalan seluk, tanba nee tenke aprezenta rejime duo-desimu se lae estadu nee para. Atu estadu labele para, lei preve orsamentu duodesimu  katak orsamentu iha tinan uluk nian sei nafatin uza, ida nee ba salariu bensimentu ho obrigasaun.

Nunee mos Deputadu CNRT Aderito Hugo da Costa antes nee dehan, uza duo-desimu regras nee iha hela, tinan barak akontese rejime duo-desimu implementa, kuandu orsamentu 2020  tarde aprova.

Nia relata sistema lei orsamentu jestaun finansas mos preve hela rejime duo-desimu, atu sustenta dispezas, salariu bensimentu iha Janeiru-Fevereiru, kuandu orsamentu aprova tarde, tanba sei iha hela tempu atu debate. * Guilhermina Franco

Komentariu

Facebook Comments

Leave a Reply

Your email address will not be published. Required fields are marked *