Selebrasaun Natal PNTL Rejistu Kazu 175

Selebrasaun Natal PNTL Rejistu Kazu 175

- in Metro, Nasional
79
0
download (6)

Editor: Germano Sousa

DILI-Durante selebrasaun natal ho selebrasaun tinan tuan, tinan foun 2020. Polisia Nasional Timor-Leste (PNTL), rejistu kazu asidente no insidente neebe rezulta ema nai 7 mate husi total kazu 175.

Komadante Jeral PNTL Komisariu Polisia, Faustino da Costa ba jornalista sira hafoin partisipa enkontru avalisaun serbisu ba instituisaun Defeza no Seguransa durante tinan 2019, iha Edifisiu Ministeriu Finansa Ai-tarak Laran, Dili, Segunda, (6/1/2020).

Tuir Faustino katak, durante period natal 25 Dezembru 2019 PNTL rejistu kazu asindente no insidente, hahu husi loron 24 fulan Dezembru 2019 too iha loron 5 Fulan Janeiru 2020 ida nee iha Teritoriu Timor laran kazu hamutuk 175. Husi kazu sira nee akontese grave liu iha loron 1 too 05 fulan Janeiru 2020 maka rezulta ema nai-7 lakon nia vida.

Nia informa, asidente neebe akontese rejulta ema mate iha dia 1 de Janeiru 2020 dader-san madrugada iha Munisipiu Dili joven ida mate. Tanba lori motor soke malu ho kareta polisia. Kazu nee ba too iha tribunal familia vitima presta ona deklarasaun resolve tuir familia.

Husi Munisipiu Lautem ema nai ida mate, tanba rian mak sona feto nia laen. Iha Rejiaun Administrativa Espesial Oe-Cusse Ambenu (RAEOA)   alin feto ida mate tanba monu husi kareta.  Tuir mai iha dia 2 de Janeiru 2020 akontese iha Munisipiu Liquisa  ema nai-3 mout iha tasi feto nai-2 mane ida.

Alende nee iha dia 5 de Janeiru 2020 akontese iha Munisipiu Manufahi katuas ida ba kaza animal fuik tenta atu oho fahi fuik, maibe fahi fuik seidauk mate, fahi tata mate fali katuas.

Maske nunee katak, Faustino, sitausaun jeral iha teritoriu Timor laran lao diak no hakmatek, mesmu iha munisipiu balun hanesan iha Dili, Ermera, Bobonaru no Ainaru udan boot hodi fo amesa ba komunidade sira.

Iha fatin seluk Xefe Suku Caikoli, Hipolito Marques da Silva hatete, kona-ba asidente ka insindente nia haree balun  soke fali kareta, balun mos hetan dezastre  bainhira atu tama ba  tinan foun. Ida nee lasignifika katak nia mak soke no ema seluk mak soke maibe tanba kondisaun lanu.

Aleinde nee autoriedade lokal nee mos husu ba governu sebele tua tenki tau iha fatin ida hanesan tua sabu tenki tau hamutuk iha fatin ida. Atu nunee ba kompras nee ho tua neebe mak iha tenki ho nia folin neebe aas.

Tuir Hipolito katak, too tempu loron boot joven barak mak sempre festesa loron boot liuliu natal ho tinan foun hemu tua lanu barak. Tanba tua fan iha kios kiik ho folin baratu liuliu tua sabu no tua mutin.

Ho tua sira neebe mak iha atu forma tuir regras ruma ba ema neebe ho idade maioridade mak bele sosa tua, ema neebe ho idade minoridade labele fo tempu ba sira atu konsumu alcohol tanba ida nee perigozu no bele estragus ba sira nia saude ka habadak sira nia vida liu husi dezastre hanesan asidente ka insidente.

Tanba dala barak tua mak halo ema barak oho malu maske situasaun lao hakmatek ho diak maibe liu husi tua pessoal sira konsumu bele kria asaun ka problema neebe mak iha oioin, kauza mos husi tua neebe mak faan iha rai laran nee ho folin neebe mak baratu.

Hau fiar katak VIII governu ba oin bele prevene buat hirak nee nunee labele hetan akontesimentu iha future 2020, nia dehan.

Entretantu komunidade Rozantino de Araujo Sarmento hatete, tuir nia haree kona-ba asaun asidente ho insidente neebe lao iha loron boot natal ho tinan foun iha area Dili senti diferente ho tinan kotuk liu ba, tanba tinan nee ladun akontese dezastre neebe barak.

Hau hanoin durante nee laiha asaun insidente ka asidente maibe iha mos kauza husi ema sira neebe mak lanu, katak Rozantino.

 Maibe asaun sira nee laos husi area ida ka rua deit, akontese nee iha area seluk akontese maibe lao ho normal hela tanba PNTL mos serbisu hamutuk ho membru KPK halo kontrola mosimu ba situasaun lao hakmatek.

Liu husi autoriedade lokal mos sempre aviza ba sira atu hakmatek iha loron boot ida nee tanba iha loron boot neebe  mai ho domin paz no estabilidade, liu husi autoriedade lokal serbisu hamutuk  ho membru KPK  fahe mos hanoin ba joven sira atu labele halo buat neebe  ladiak. ESTI-05

 

Komentariu

Facebook Comments

Leave a Reply

Your email address will not be published. Required fields are marked *