Selebrasaun 28 Novembru, PR Lu Olo Fo Parabens Ba Povu- CCF 1975

Selebrasaun 28 Novembru, PR Lu Olo Fo Parabens Ba Povu- CCF 1975

- in Nasional
167
0
PR Lu OLo

DILI-Prezidente Republika Francisco Guterres Lu Olo, fo parabens ba povu Timor Leste no CCF-1975 neebe mak ho aten brani hodi proklama independensia unilateral Timor Leste nia, tanba liu husi rezistensia neebe mak duru Timor Leste bele hetan ukun rasik an.

Hau hakarak fo parabens ba povu tomak, neebe ita atu hakat dadauk ba atu bele selebra data istorika 28 Novembru, no hau hakarak mos atu hato ba Comite Central FRETILIN ninian neebe iha 1975 ho aten brani proklama independensia unilateral ba Timor Leste nian, liu husi independensia ida nee halo rezistensia ida duru teb tebes, karu teb tebes, maibe ita konsege manan duni ita nia liberdade ida nee parabens ba CCF 1975,” dehan PR Lu Olo, liu husi intervista eskluzivu neebe mak halo ho RTTL, iha Palasiu Nobre Lahane, Dili, Segunda ( 26/11/2018).

Portantu iha biban nee Prezidente da Republika mos hato parabens ba eis deputadu sira husi primeira lejislatura ninian, ho Asembleia Konstituenti ninian, neebe hatene ho matenek hodi aprova iha konstituisaun da RDTL katak data 28 Novembru mak sai hanesan data independensia TL nian.

Iha parte ketak Prezidente Tribunal Rekursu Deolindo Dos Santos hatete, Loron 28 Novembru hanesan loron istoriku ba povu Timor Leste tomak, komemora loron independensia nee ho diak ho maneita atu kria estabilidade no paz, liu liu ba joven sira atu labele komete aktus krimi neebe iha loron komemorasaun nee, tanba bainhira ita atu selebra loron nee ho diak ita presiza fo kontribuisaun neebe mak diak, dehan PTR Deolindo. Notisia kompletu lee iha jornal STL edisaun Tersa (27112018). Carme Ximenes

Komentariu

Facebook Comments

Leave a Reply

Your email address will not be published. Required fields are marked *