Selebra Festa Sao Jose, Frater Nain 5 Simu Ordenasaun Diakonal

Selebra Festa Sao Jose, Frater Nain 5 Simu Ordenasaun Diakonal

- in Perfil
523
0
29366205_1926647550998600_6043743318821568512_n

Dioseze Dili, marka tan istoria ida iha uma kreda, hodi simu tan frater nain lima, servi uma kreda, liu husi tulun nai lulik sira iha sakramentu eukaristia. Iha solenidade sao Jose Espozo da Virgem Maria nee, Maromak Fihir tan Joven nain 5, atu servi nia Kreda iha Sakramentu Eukaristia.

Liu husi komemorasaun solenidade festa Sao Jose Esposo da Virgem Maria, neebe monu iha loron 19 Marsu, tinan nee, uma kreda universal liu husi Dioseze Dili, fo ordenasaun diakonal ba frater nain 5 mak hanesan Frater Abito Jose Brites Casimiro, husi Aileu, frater Sezar Magno husi Hatulia, Frater Cirilio Santos Maia husi Ermera, Frater Domingos Godinho husi Turiscai no Frater Juliao de Jesus.

Tanba nee Dioseze Dili hamutuk ho frater nain lima haksolok, iha festa Sao Jose nian, nudar loron espesial ba sira nain lima tanba marka tan pasu foun ida ba istoria iha sira nia moris. Marka istoria barak, tanba iha momentu nee, iha loron ida nee, muda lalais sira husi frater ba diakon.

Ho istoria foun no motto neebe frater nain 5 hili katak “ Hau Mai Atu Servi” ida nee mak identidade natureza diakon nian, no ida mos maka espiritualidade diakon ida nian, tanba liu husi konservasaun, diakon ida konfigura nia an iha kristu neebe nidar ulun kreda nian, neebe tanba domin halo an sai kiik, nunee bele servi ema hotu.

Iha misa solenidade Sao Jose nomos ordenasaun Diakonal, neebe prezide husi Bispo Dioseze Dili, Dom Virgilio do Carmo da Silva, SDB, akompanha husi Bispo Dioseze Maliana, Dom Norberto do Amaral, hamutuk ho padre sira seluk, iha Katedral Dili, Segunda (19/3/2018) tula liman ba frater nain 5, hodi simu ordenasaun diakonal.

Diakon atu servi tuir kristu neebe mai atu servi. Maske Kristu rasik Maromak oan, maibe Nia halo an sai kiik, atu nunee bele hakbesik liu tan ba Nai. Husi nee mak diakon ida sei sai diakonal iha liturgia, iha maromak nia futar lia fuan nia hahalok diak, no Kristu deit mak modelu atu servi, laiha modelu ida as liu kritu nia hahalok.

Izemplu ida nee D. Virgilio hatoo ba sarani sira, liu-liu ba diakon nain 5, atu iha oportunidade nee hare mos konaba Sao Jose, Nain Feto ho Aman Maromak.

Ita bele dehan cinta segitiga, Sao Jose ema neebe nonok, ladun koalia, ema hakmatek, tanba nee nia hatene atu rona, nia hatene rona buat neebe los, nia mos la duvida atu obdese, nia hatene obdese, tan nee nia sai rahun diak iha maromak nia futar oin,” dehan D. Virgilio iha homilia misa ordenasaun ba frater nain 5 nomos komemorasaun loron Sao Jose, iha igreja Katedral Dili, Segunda (19/3/2018).

Sao Jose katak D. Virgilio rekonhese nia an nudar folin laek, husik nia moris, hodi husik maromak tama iha nia vida, no fo fatin ba maromak iha nia moris. Tanba nee nia sai ema justu, nia la sai obstakulo ba maromak nia projetu. Nia konfia nia an ba maromak, husik maromak hakerek nia istoria.

Motto diakon nain 5 “Hau mia atu Servi” katak D. Virgilio bele servisu hamutuk ho se deit, katuas ka ferik, foin sae ka labarik, no iha neebe deit, iha uma kreda, buka uma kreda nia diak, nia ksolok hodi fo gloria ba Maromakl

Bibi atan ba dioseze Dili nee mos haktuir matenek nain Kahlil Gibran, iha nia lia fuan ida katak wainhira o hadomi keta dehan maromak iha o nia fuan, diak liu mak dehan hau mak iha maromak nia fuan. Se Maromak mak iha o nia fuan, obriga maromak liu fali o, Hau mak tama iha maromak nia fuan. Maromak mak sei hakerek, maromak mak sei uza ita, no ita sai deit instrumetnu ida atu seriv ita nia maluk sira.

Motto “Hau mai atu servi” tenke Servi uma kreda neebe as liu hotu, sai mos mata dalan ida ba diakon Domingos Godinho, hodi halao nia knar foun nuda diakon.

Ohin Maromak fihir tan sira nain lima, neebe maka hatan ba maromak nia konvite atu haklaken maromak nia liafuan, no misaun sai diakonu atu servi no haklaken liafuan diak ba povo no sarani sira hotu, liu-liu iha dioseze Dili.

Iha edisaun ohin nian, ami sei fo sai biografia badak konaba diakon Domingos GOdinho.

Diakon Dominogs Godinho neebe moris iha Foholau, Turiscai iha loron 9 fulan Novembro tinan 1986, oan husi Aman Orlando Nunes (Matebian) no Inan Santina Gonsalves (faluk).

Diakon Domingos Godinho nudar oan mane mesak husi feton mesak ida Aurelia Soares (casada). Tan sira nain rua mesak deit, tanba nee halo tan adopção ba Miguelita Barbosa (Estudante), no Damião Salsinha (estudante). Nunee diakon Domingos hamutuk ho maun alin nain tolu nee.

Sai diakon, katak wainhira simu ona Biblia, fiar iha buat neebe maka o lee, haklaken buat neebe maka o haree, I fiar tuir buat neebe maka o haklaken. Tanba nee diakon nia misaun dahuluk maka atu servi, tuir motto neebe sira nain foti ona, katak mai atu servi, tanba nee maka sira tenke tau aan hodi servi, oinsa fasilita Maromak nia liafuan ba ema barak.

Ho motto nee mak uluk nanain sira nain lima, tenke hatene didiak atu maromak, hodi haburas lia fuan diak iha sira nia moris, no ikus mai bele lori ba ema seluk, hadomi uluk Maromak no servi ba parokia neebe maka sira servi ba.

Diakon Domingos Godinho, neebe passa nia tempu kiik iha Turiscai, Simu Sacramento Batismo iha paróquia Nossa Senhora de Fátima Turiscai iha loron 25 Setembro 1987, husi Reverendo Pe. Domingos Alves da Costa. Simu primerio Comunhão iha Paróquia Nossa Senhora de Fátima Turiscai, Iha loron 7 Agosto 1997, husi Reverendo Pe. António Jarot Gusnipriono, no Simu Sacramento Crisma iha Paróquia Nossa Senhora de Fátima Turiscai Iha loron 28 Desembro 2004, husi Reverendissimo Dom Basilio do Nascimento, nudar Administrador Apostólico Diocese de Dili.

Diakon Domingos Godinho neebe ho zodiac Scorpio nee hahu tama escola Escola Primária no. 5 Tarabula ou SD Negri 5 Tarabula, Foholau, Turiscai, Iha Tinan 1991 too 1999. Iha Tinan 2001-2003 estudu iha escola Pre-secundária, ou SMP Negri 1 Kotalalora, Turiscai, no iha Tinan 2003-2006 continua estudu iha Escola Secundária Nossa Senhóra do Rosário de Fátima Turiscai hanesan primeiro fruto.

Wainhira remata ensinu sekundaria Nossa Senhóra do Rosário de Fátima Turiscai, nia deside hodi hahu tama Ano preparatório (KPA) iha Seminario Nossa Senhora de Fátima Balide-Dili Timor Leste, iha Tinan 2006-2007. Iha Tinan 2007-2009 Continua iha Seminario Ano Propedêutico São João Maria Vianey, Mater Dei Becora, Dili-Timor Leste. Iha Tinan 2009-2012: Halao estudo Filosofia iha Instituto Superior Filossofia e de Teologia Dom Jaime Garcia Goulart Fatumeta Dili, no konklui ho monografia Filosofia nian ho Titlo: Homem é Animal Racional tuir pensamento Aristoteles nian” iha tinan 2012.

Nunee diakon Domingos, iha Tinan 2012-2013 kontinua estudo Teologia iha Instituto Superior Filossofia e de Teologia Dom Jaime Garcia Goulart Fatumeta Dili. Iha fali tinan 2015-2016 kontinua halao estudu de Teologia iha Instituto Superior Filossofia e de Teologia Dom Jaime Garcia Goulart, Fatumeta Dili, hodi Conclui ho Monografia teologia nian ho titlo: O papél da sexualidade no matrimónio Cristão à luz de Gaudium et Spes número 47-52, iha tinan 2016.

Hafoin nee, diakon Domingos mos iha loron 29 Junho 2013, ho loron solenidade São Pedro no São Paulo, simu ministério leitor no acólito husi Revendissímo Dom Norberto do Amaral, Bispo de Maliana iha Seminário Maior Interdiocesano, São Pedro no São Paulo Fatumeta-Dili, Timor Leste.

Hafoin simu ministério leitor no acólito, iha loron 6 Janeiro tinan 2014 too loron 2015 halao estágio pastoral ano de Filosofia nia iha Paróquia Nossa Senhora do Carmo Letefoho.

Iha fali loron 6 Janeiro 2017, Simu provisão husi Dom Vírgílio Do Carmo Da Silva, SDB, Bispo Diocese de Dili, hodi halo estágio pastóral prodiacon nian, iha Paróquia Sagrado Coração de Jesus Becora too ohin loron.

Ohin loron 19 Marsu 2018 simu ordenasaun diakonal husi Reverendíssimo Dom Virgilio do Carmo da Silva SDB, bispo da Diocese de Dili iha Sé Catedral, Dili-Timor Leste. Iha misa solenidade Sao Jose, espoza da Virgem Maria nee, preside husi Bispo Dioseze Dili, D. Virgilio do Carmo da Silva, Bispo Dioseze Maliana, D. Norberto Amaral, padre, madre, familia husi diakon nain lima, estudante husi eskola katolika, inklui sarani sira, neebe hankonu igreja laran too resinto Katedral.* Josefa Parada/Natalino Belo

Facebook Comments

Leave a Reply

Your email address will not be published. Required fields are marked *