SEJD Vizita Sentru Produs Aikulat

SEJD Vizita Sentru Produs Aikulat

- in Distritu
196
0
pouzada

Ermera– Sekretaria Estadu Juventude No Desportu iha loron Segunda (17/12/2018) vizita grupo sentru produsaun aikulat, iha Aldeia Balimaru, Suku Fatukeru, Rai Laku, Munisipiu Ermera.

Liu husi vizita nee koordenador Grupo Sentru Produs Ai Kulat, Cornelio Gagu hatoo mos agradese ba governu liu husi sekretaria estadu juventude no desportu, neebe maka ho laran haksolok bele vizita sira nia atividade neebe maka durante nee sira halo iha tinan ida nia laran.

hau hanesan koordenador grupo nee hau hatoo agradese ba governu liu husi sekretaria estadu juventude no desportu neebe maka bele mai vizita ami nian atividade neebe maka ami halao ona durante tinan ida nian laran no atividade nee ami halao mai husi ami nian inisiativa rasik,” katak Cornelio, liu husi nian aprezentasaun, Segunda (17/12) iha Rai Laku, Ermera.

Nia hateten grupo nee hahu iha Outubru 2017 too mai agora seidauk hetan apoiu ruma husi governu, no sira rasik tau inisiativa hamutuk halo grupo depois kada ema ida hatama osan 100 dolares, hodi hamriik too ohin loron.

Membru neebe maka tama iha grupo nee hamutuk nain 10 kompostu husi feto nain rua no mane nain 8, no aikulat sira halo husi kuda jamur holtikultura bahan aii uut haree uut, no ahu agrekultura, ikus bele sai ai kulat, no oras nee dadaun koileta ona no kada kilo ida faan ba 5 dolares, durante sira faan ema barak ona maka hola.

Nunee mos reprezentante sekretaria estadu juventude no desportu Joao dos Santos hanesan mos diretor geral SEJD hatoo agradese ba grupo produsaun ai kulat, neebe maka iha inisiativa hodi bele realize rasik grupo nee, dezenvolve aan rasik. Notisia Kompletu Lee Iha Jornal STL Iha edisaun Kuarta (17/12/2018). Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *