SEJD Lansamentu Grupo Fbn No Koileta Ikan

SEJD Lansamentu Grupo Fbn No Koileta Ikan

- in Distritu
134
0
AA_AA_Ikan

ERMERA- Sekretaria Estadu Juventude No Desportu halo lansamentu ba grupo Fundu Ba Nafatin (FBN) nomos koileta ikan husi grupo nee rasik.

Wainhira halo lansamentu Reprezentante Sekretaria Estadu Juventude No Desportu Joao Dos Santos Diretor Geral SEJD liu husi diskursu Segunda (17/12) iha municipio Ermera, hatoo mos agradese ba grupo FBN neebe maka iha inisitiva no esforsu tomak bele kria grupo nee.

Ita nian Sentru Municipio Ermera neebe maka iha esforsu tomak hamutuk ho ita boot sira hau la inisia sira maka haruka imi kria grupo maibe inisiativa nee mai husi imi nian  grupo rasik neebe maka ohin aprezenta ida-idak, nee maka governu hein tanba tinan barak governu sempre hasai osan barak atu suporta grupo oin-oin laos grupo neebe maka iha sekretaria estadu juventude no desportu nee deit, maibe hau hanoin ita nian diretor map iha nee karik kolega sira husi komercio industria iha nee neebe maka apoio grupo sira maibe ita haree porsentu hira, balu dehan hakiak ikan maibe too iha neeba kolam deit mos laiha tanba nee maka inisiativa husi grupo sira neebe maka hatoo husi parte sekretaria estadu desportu hau hanoin oitavo governu ida nee hahu nee dezenvolve uluk ita nian mentalidade maka uluk liu husi mentalidade juventude sira nian hahu husi neebe maka escolar lahotu no sira neebe maka sei escolar no ida neebe maka nivel aas liu nee,” dehan Joao.

Diretor Geral hateten se wainhira la muda mentalidade uluk maka buat neebe maka aprezenta liu husi inisiativa nee labele akontese, tanba nee maka presiza hadia mentalidade neebe maka iha ho diak, maka foin iha inisitiva atu bele dezenvolve grupo no dezenvolve aan no familia nee ho diak.

Nia hatutan saida maka aprezenta husi joven sira konaba atu harii grupo antes husu apoiu ruma, sira iha uluk ona grupo ida nee inisitiva neebe maka diak tebes ida nee mai husi vontade Husi juevntude rasik.

Iha fatin hanesan Sekretaria PAM Ermera, Damilo Osorio M. Babo neebe maka Reprezentante Presidente Autoridade Municipiu Ermera hatutan Atu harii grupo ida mai husi vontade no inisiativa rasik para bele kria empregu ba aan rasik.

Nunee mos koordenador grupo Jaime Soares Madeira hatoo mos agradese ba governu liu husi sekretaria estadu juventude desportu nomos parte relevante sira, neebe maka bele ba halo lansamentu no koileta ika neebe maka durante nee sira hakiak. Notisia Kompletu Lee Iha Jornal STL Iha edisaun Kuarta (17/12/2018). Emerenciana Pinto

Facebook Comments

Leave a Reply

Your email address will not be published. Required fields are marked *