SEJD Fo Prioridade Ba Desportu

SEJD Fo Prioridade Ba Desportu

- in Desportu
4002
0
leo-hornai

DILI—Sestu Governu Konstitusional liu husi Sekretaria Estadu ba Joventude no Desportu (SEJD) Leovigildo Hornai rekomenda ba governu foun mai atu fo preoridade ba desportu hodi dezenvolve joventudi sira nia talentu iha futuru.

Tuir SEJD, Leovigildo Da Costa Hornai hatete katak joven sira iha Timor Leste laran tomak sente orguillu no apresia teb-tebes ba joven feto no mane iha teriotoriu laran tomak nomos iha area remotas sira neebe hatudu ona sira nia maturinidade no vontade hanesan sidadaun ida neebe responsavel  ba prosesu dezenvolvinmentu hotu-hotu,” dehan Leovigildo ba jornalista iha Delta Nove Dili, Tersa (09/082017).

Ita agora moris iha demokrasia nia laran neebe ema hot-hotu iha diretu atu asesu ba saida deit mak governu kria liu-liu iha area desportiva sira hodi bele hasae joven feto no mane sira nia talentu,” nia dehan.

Atu nunee joven sira iha area remotas bele sente dezenvolvimentu saida mak governu kria hodi nunee halibur foinsae sira liu husi desportu, neebe governu foun mai bele halo programa diak liu tan.

Iha fatin hanesan Estudante UNTL Izabel da Silva hatete katak governu foun mai bele halo programa desportu nian neebe maka diak, atu nunee bele hasae desportu iha nasaun laran ho diak liu tan atu bele realiza mos jogu iha area remotas.

Nia hatutan tan katak ema neebe mak atu kaer pasta ba iha SEJD tenki ema neebe mak iha kapasidade no konesimentu boot ba iha area desportu nian, atu bele hatene klean diak liu tan joven sira nia hakarak.

“Ita hatene no hare iha ita nia nasaun nee joven barak mak gosta ba iha area desportu, nee ita hare ba iha nasaun seluk mak joga maibe iha ita nia nasaun nee joven barak no katuas too labarik sira hare ou nonton joga bola iha televisaun liu-liu hanesan klubu Real Madrid ho Barcelona mak joga entaun iha Timor laran nee maioria labarik too ema boot sira hotu hatais faru no kaer bandera husi klubu rua nee,” nia informa. *EST 3

Facebook Comments

Leave a Reply

Your email address will not be published. Required fields are marked *