Sein Karta kondusaun, FAF Lori Motor Liu Velosidade

Sein Karta kondusaun, FAF Lori Motor Liu Velosidade

- in Krime
95
0
TTD1

DILI – Arguidu ho naran inisial FAF neebe Ministeriu Publiku (MP) akuza nudar arguidu tenki ba hatan iha tribunal tanba kondus motorizada la iha karta kondusaun.

Tuir akuzasaun MP katak, iha loron 24 Maio tinan 2016, oras tuku 11:00 iha Munisipiu  Ermera Vila Suku Estadu, arguidu inisal Frederico Alves Faria kondus motorizada ho marka Supra X.

Arguidu kondus motorizada refere ho velosidade neebe makaas hodi soke vitima Leliana ho idade (11) rezulta kanek iha liman parte los maibe iha momentu nee kedan arguidu lori kedan vitima ba halo tratamentu iha hospital Gleno Ermera.

Iha altura neeba polisia tranzitu posto Ermera too kedan iha fatin akontesimentu hodi halo pasta revista ba arguidu, iha pasta revista refere iha indikasaun katak, arguidu kondus motorizada la iha karta kondusaun tanba ne polisia halo kapturasaun ba arguidu.

Arguidu halo hahalok nee ho konsinte no deliberadamente, hatene katak, hahalok hanesan nee lei penal timor leste bandu maibe arguidu kontinua halo hahalok nee tuir nia hakarak tanba nee MP akuza arguidu komete krimi kondusaun sein karta neebe previstu iha artigu 207 kodigo penal.

Hatan ba akuzasaun nee arguidu dehan, faktus los hotu, arguidu soke duni vitima tanba iha momentu nee arguidu ansi atu ba kuu kafe, maibe arguidu to besik mak vitima foin mak korta estrada tanba nee arguidu konsege soke duni.

Iha momentu akontesimentu nee arguidu lori kedan vitima ba tratamentu iha hospital Gleno, dehan arguido iha sala Audensia julgamentu TDD, Kuarta (17/05). Domingos da Piedade Freitas

Facebook Comments

Leave a Reply

Your email address will not be published. Required fields are marked *