Seguransa Natal no Tinan Foun

Seguransa Natal no Tinan Foun

- in Metro
11
0
c66733db6fd9c6779ab24f57f69f5201_XL

DILI-Komandu Polisia Nasional Timor Leste (PNTL), Munisipiu Dili realiza enkontru ho Ofisial Polisia Suku Munisipiu Dili, hodi koalia konaba preparasaun ba loron selebrasaun Natal no Tinan foun 2020.

Objetivu husi enkontru nee relasaun ho loron  invazaun Indonezia 7 Dezembru, preparasaun ba loron Natal no Tinan foun 2020, dehan  Segundu Komandante Munisipiu Dili, Superentendente Asistente Polisia, Euclides Belo, ba Jornalista sira iha nia knar fatin, Komandu Munisipiu Dili, Segunda,(2/12/2019).

Nia hatutan PNTL hanesan  orgaun seguransa, seremonia saida deit mak akontese iha fulan dezembru nee nia laran liu-liu dia 7 dezembru, loron selebrasaun misan Natal no Tinan foun 2020 sai ajenda servisu PNTL nian.

Ami halo planu operasaun nunee bele garante, liu-liu mak foka ba fujete, tan nee espera katak publiku bele kopera ho autoridade polisia, dehan Euclides

Nia informa, maske governu liu husi MCI seidauk fo autorizasaun ka lisensa ba kompania ruma atu faan fujete, maibe ema balun komesa  faan komesa tiru iha sidade Dili.

Tan nee mak ami enkontru ho komandante eskuadra sira no OPS sira atu halo vizita tama sai uma hodi rekolia informasaun, se ema ruma mak faan fujete no hatama ilegalmente  diak liu voluntariumente, komunika mai iha komandu Munisipiu Dili nunee bele lori mai intrega kedas, apela Euclides.

Nia hatutan, wainhira governu fo autorizasaun hanesan loron selebrasaun natal no tinan foun 2020, no konsentra hamutuk iha fatin mak bele tiru fujete, laos ema ida-idak tiru tuir nia hakarak iha fatin neebe deit, tanba bele prejudika ema seluk, tan nee OPS sei serbisu maa hamutuk ho membru KPK sira hodi minimiza.

Euclides husu joven sira lee kona ba istoria Timor Leste nia luta, nunee sira bele hatene katak ukun an ida nee, lakon ema barak nia ran no ruin, tan nee juventude sira  tenke kontribui hodi paz no estabilidade iha nasaun.

Ita hakarak Dili laran ema lao tun sae avontade, labele iha fatuk semo tun sae, hakotu nia

Antes nee  Peskizador Fundasaun Mahein Sancho Xavier  patrullamentu PNTL nia iha terenu nee importante tebes, tanba ikus-ikus nee numeru konflitu nee sae makas.

Iha parte seluk tuir Direitor Ezekutivu Luta Hamutuk, Jose Alves da Costa dehan, joven balun dala ruma utiliza fujete la tuir nia fatin, balun dalaruma tiru fali iha momentu sarani sira sei misa bele halo ema hakfodak no la foka ba misa neebe lao hela.

Ita hakarak asegura estabilidade durante prosesu misa Natal ho tinan foun. Hau  hanoin Polisia tenke asegura katak sei laiha fujetes, afirma Jose.

Jose informa,  husu ba inan ho aman sira atu labele fasilita oan sira uza fujetes iha tempu misa natal no tinan foun, tanba inan aman kuandu iha kontrolu neebe diak ba oan sira sei la sosa sasan sira nee. ESTI-01

Komentariu

Facebook Comments

Leave a Reply

Your email address will not be published. Required fields are marked *