Seguransa FM Taur Bolu Paixão

Seguransa FM Taur Bolu Paixão

- in Nasional
33
0

DILI- Primeiru Ministru Taur Matan Ruak bolu Ministru Defeza no Seguransa hodi koalia asuntu seguransa ba Fronteira Maritima iha Tasi mane.

Tuir Minitru Defeza no Seguransa, Filomeno Paixão de Jesus katak, enkontru entre Primeiru Ministru Taur Matan ruak nee atu koalia kona ba seguransa iha tasi mane.

“Primeiru Ministru bolu hau mai enkontro para atu koalia kona ba seguransa maritima,” dehan Paixão ba Jornalista iha Palasiu Governu Segunda (02/09/2019)

Nia dehan, ministeriu defeza no seguransa katak,  komponente Naval  hanesan guarda kosteira ida katak fo segransa ba area maritima liu liu trafiku illegal.

“Ita hatene fronteira marka tiha ona, agora ita tenke hanoin kona ba seguransa parte neebe pretense ba ita, kona ba seguransa ita tenke hanoin   kona ba ita nia maritima  nia autoridade maritima ita tenke prepara aan hodi ita bele fo seguransa ba ita nia tasi. Ministeriu defeza no seguransa hatete katak ita nia komponente Naval nee guarda kosteira ida katak ita nia tenke iha guarda kosteira, ita laos forma meus ida funu nia maibe meus neebe hanesan guarda kosteira atu fo segransa ba ita nia area maritima liu liu trafiku illegal,” dehan nia

Iha Sorin seluk antes nee Chefe Estadu Maior General das F-FDTL, Major General, Lere Anan Timur,  bainhira Timor Leste (TL), ho Australia trasa ona linha Fronteira Maritima (FM), governu tenke preokupa seguransa iha area refere.

“Hau hanoin koalia konaba Frontera  Maritima, ita nian soberania kompleta ona, rai, tasi no lalehan, agora governu tenke preokupa mos ninia seguransa, se ita iha fronteira maritime, purque Australia dehan, TL ho Australia trasa ona linha fonteira maritima, entre Australia ho TL, kestaun soberania sira labele ultra pasa ita nian fronteira, mai tama ita nian tasi laran, mais ita laiha seguransa, nee ultra pasa ou lae. Hau la hatene, maibe nee problema governu nian, ami hein deit.Ba hau, hau nian preokupasaun nee situasaun rai laran mak tenke determinante, buat hotu-hotu iha fator determinante,”dehan Lere

Nunee  Reitor UNDIL, Jose Belo, aspeitu seguransa ba Fronteira Maritima, importante tebes, liu-liu FDTL ho Polisia, presiza iha formasaun neebe diak, intermus fasilidade, halo preparasaun neebe diak, atu nunee fo garantia ba establidade ba investimentu boot hirak nee.

“Hau hanoin nudar Timor oan ba povu tomak se ita konsege ultra pasa Fronteira Maritima sai duni realidade, no ita hatene duni ita nian Fronteira nee too iha neebe, nee sai intrese povu Timor hotu nian. Maibe faze importante ida mak establidade, nee ligadu ho autoridade sira iha rai laran, tanba ita nian seguransa rai laran, laos parte ita nian deit mak preokupa, maibe ita preokupa mos situasaun sira neebe mak ligadu ho ita nian riku soin neebe mak iha, tanba espriensia neebe mak iha, mina, no fronteira sira neebe mak ita iha, iha mos intrese balun boot liu,”dehan nia

Tuir nia normalmentu ida nee asuntu ida neebe importante tebes, presiza tau atensaun, tanba kadoras bele dada mai, maibe bainhira laiha establidade, bele lakon oportunidade, halo investedor sira, atu mai sei preokupa.* Lucia Ximenes

Komentariu

Facebook Comments

Leave a Reply

Your email address will not be published. Required fields are marked *