Sanitaria 5 de Maiu Sei Aat

Sanitaria 5 de Maiu Sei Aat

- in Metro
18
0
download (3)

Editor: Germano Sousa

DILI-Kondisaun sanitaria Jadin 5 de Maiu Colmera Dili too agora sei aat nafatin. Tanba nee, Seguransa Gardamor husu governu hadia hikas sanitaria inklui lampu neebe hetan estragus hotu ona.

Jose Leonito da Costa nuudar seguransa Gardamor informa ba STL iha Jardin 5 de Maiu, Segunda (6/1/20) katak fasilidade neebe aat, fo inpaktu ba sira neebe halo seguransa no liuliu estudante sira neebe presiza halo traballu iha fatin refere.

Ami mak halo seguransa iha jardin nee, maibe ami preokupa ho haris fatin neebe aat. Liuliu ba maluk sira neebe halo seguransa tempu kalan, tanba lampu balu aat nee duni kalan susar ba sira, katak Jose.

Tuir Jose katak, ho fasilidade neebe aat, halo sira laiha vontade atu servisu to kalan, nunee fo mos impaktu ba estudante sira neebe dalaruma halo traballu ruma. Presiza iha jardin sira neebe seguru, miabe fasilidade neebe atu fasilita sira laiha.

Iha fatin hanesan Marcelina Pinto Miguel hanesan Estudante Universidade Oriental (UNITAL) dehan, nia mos preokupa tebes ho fasilidade jardin neebe aat. Susar tebes ba sira atu halo traballu lori tempu naruk.

Hanesan mos ahi neebe aat, susar atu fasilita sira cas leptop sira hodi halo tugas, maibe laiha eletrisidade atu dada kompletu hodi bele fasilita sira, iha tempu neebe sira presiza halo traballu ruma.

Tanba nee, husu ba governu liu-liu ministeriu relevante hadia hikas fasilidade iha Jardin 5 de Maiu. Tanba jardin hanesan fatin turizmu no mos fatin publiku ba ema hotu. Tan nee, presiza governu tau importansia ba fasilidade hirak nee.

Sekarik lahadia nafatin sei hatudu   imagen neebe ladiak mos ba ema estrangeirus balu neebe vizita ita nia fatin turizmu.

Nunee mos, tuir observasaun STL nota iha terenu, haris fatin iha Jardin 5 de Maiu aat hotu ona maibe too agora seidauk hadia inklui mos fasilidade seluk hanesan lampu. Nee duni, sempre fo inpaktu ba vizitantes sira liuliu estudante ho labarik neebe halimar iha Jardin 5 de Maiu. ESTI-06

Komentariu

Facebook Comments

Leave a Reply

Your email address will not be published. Required fields are marked *